ప్రజాకంటకుల మధ్య సమన్వయం ఉన్నపుడు వారిని వ్యతిరేకించేవారు అదే చేస్తే తప్పా !

25 Sunday Oct 2026

Posted by raomk in BJP, Current Affairs, Europe, History, imperialism, INDIA, INTERNATIONAL NEWS, Opinion

Tags

anti communists, BJP, Donald trump, emmanuel macron, Fox Digital investigation, French students protest, IMF Anti People, Narendra Modi Failures

ఎం కోటేశ్వరరావు

ఫ్రాన్సు ఎందుకు తగులబడుతోంది ! అనేక దేశాల్లో ఎందుకు జనాలు వీధుల్లోకి వస్తున్నారు !! ఐరోపాలో ఏం జరగనుంది !!! ఒక వైపు బ్యాంకాక్‌లో ఐఎంఎఫ్, ప్రపంచ బ్యాంకు సమావేశాల్లో “ పొదుపు ” అజెండాను ఎలా అమలు జరపాలని మల్లగుల్లాలు.మరోవైపు ఇప్పటికే అలాంటి చర్యలకు పాల్పడుతున్న ఫ్రాన్సుతో సహా వివిధ ప్రభుత్వాల చర్యలకు వ్యతిరేకంగా విద్యార్దులు, కార్మికుల ఆందోళన మరింతగా పెరుగుతోంది.శనివారం నాడు మరోసారి దేశమంతటా లక్షలాది మంది ప్రదర్శనలు జరిపారు, వాటిలో నాలుగులక్షల పదివేల మంది పాల్గొన్నట్లు పోలీసులే చెప్పారు. అంతకంటే ఎక్కువే ఉంటారని వేరే చెప్పనవసరం లేదు. మోడీ సర్కార్ ఢిల్లీలో మెట్రో రైల్వే స్షేషన్లను మÖసివేసినట్లే పారిస్‌లో కూడా చేశారు. అయినా ప్రదర్శనలు ఆగలేదు. ఆందోళనలు చేస్తున్నవారు దేశద్రోహులు, దేశ వ్యతిరేకులని మోడీ సర్కార్ నిందించినట్లే ఫ్రెంచి అధ్యక్షుడు మక్రాన్ కూడా నోరుపారవేసుకుంటున్నాడు. ఇలాంటి వారందరి మధ్య ఒక సమన్వయ కేంద్రం, అవగాహన లేకపోతే భాష, నిందలు ఒకే విధంగా ఎలా ఉంటాయన్నది సందేహం. వారి మధ్య అలాంటి బంధం ఉన్నపుడు వ్యతిరేకించేవారు కూడా సమన్వయం చేసుకుంటే తప్పేమిటి ? ఫ్రెంచిఆందోళన వెనుక కమÖ్యనిస్టులు, సోషలిస్టుల కుట్ర ఉందంటూ ప్రచారదాడి.వచ్చే ఏడాది ఫ్రాన్సు, ఇటలీ, మొత్తంగా ఐరోపా ఆర్థిక మాంద్య ఊబిలో కూరుకుపోయే అవశాశం ఉందని ఆర్థికవేత్తల హెచ్చరికలు. అమెరికా మధ్యంతర ఎన్నికల్లో డోనాల్డ్ ట్రంప్ నాయకత్వంలోని రిపబ్లికన్ పార్టీ పార్లమెంటు ఉభయ సభల్లోనూ మెజారిటీ కోల్పోనుందనే సంకేతాలు. ఒక దేశ లేదా సమాజంలో ఆర్థిక సంక్షోభం రాజకీయ పరిణామాలు,పర్యవసానాలకు దారి తీస్తుందని అనేక దేశాల చరిత్ర రుజువు చేసింది. సెప్టెంబరు 21న ప్రారంభమైన ఫ్రెంచి విద్యార్ధి ఉద్యమం ఎలా ముగస్తుందో తెలియదు, మరింత దమనకాండతో అణచేందుకు అధ్యక్షుడు ఇమ్మాన్యుయేల్ మక్రాన్ పూనుకున్నట్లు జరుగుతున్న పరిణామాలు సూచిస్తున్నాయి.వచ్చే ఏడాది ఏప్రిల్ 18న జరిగే అధ్యక్ష ఎన్నికల తొలి పోలింగ్‌లో ఒడోక్సా అనే సంస్థ సెప్టెంబరు 24 అక్టోబరు ఏడవ తేదీ మధ్య జరిపిన సర్వేలో పచ్చిమితవాద నేషనల్ పార్టీ నాయకురాలు మెరినే లీపెన్ 37 లేదా 38శాతం మద్దతుతో ఆధిక్యంలో ఉన్నట్లు పేర్కొన్నారు. ప్రత్యర్ధులుగా ఉన్న సోషలిస్టు జీన్ లూస్ మెలెంచన్ 18 లేదా 18.5శాతం ఓట్లతో రెండవ స్థానంలో ఉండగా అధ్యక్షుడు మక్రాన్ నాయకత్వంలోని పార్టీ నేత, మాజీ ప్రధాని ఎడ్వర్డ్ ఫిలిఫ్ 17, అదే పార్టీకి చెందిన మరో మాజీ ప్రధాని గాబ్రియెల్ అటల్ 11శాతం ఓట్లు తెచ్చుకున్నారు.గత మÖడు ఎన్నికలలో మెలెంచన్ రెండవ స్థానానికి చేరుకోలేపోయాడు. గత పార్లమెంటు ఎన్నికలలో ఏ పార్టీకి మెజారిటీ లేదు, ప్రస్తుతం మైనారిటీ సంకీర్ణ ప్రభుత్వం నడుస్తున్నది. తొలి దశ అధ్యక్ష ఎన్నికలలో ఎవరికీ మెజారిటీ రాని పక్షంలో మే రెండవ తేదీన తుదిపోరు జరుగుతుంది.మెలాంచన్ గనుక రెండవ స్థానంలో లేకపోతే పచ్చిమితవాద నేషనలిస్టు పార్టీ అధికారంలోకి రాకుండా వామపక్ష పార్టీల అభిమానులు మరోసారి మక్రాన్‌కే ఓటు వేసే అవకాశాలు ఉన్నాయి. ఈ నేపధ్యంలో ఇప్పుడు జరుగుతున్న విద్యార్ధులు, కార్మికుల ఆందోళన సరికొత్త పరిణామాలు, ఎన్నికలలో అనూహ్యపరిణామలకూ దారితీయవచ్చు.

విద్యార్ధుల ఆందోళన వెనుక కమÖ్యనిస్టులు, సోషలిస్టుల కుట్ర ఉందని ఫ్రెంచి నేషనలిస్టు పార్టీ ఆరోపిస్తున్నది.అదే విధంగా అమెరికాకు చెందిన ఫాక్స్ న్యూస్ ఛానల్ పరిశోధన పేరుతో దానికి మరికొన్ని అంశాలను తగిలించి కమÖ్యనిస్టు వ్యతిరేకతను రెచ్చగొట్టేందుకు పూనుకుంది.పోలీసుల దమనకాండను ఎదుర్కొనే క్రమంలో జరిగిన హింసా ఘటనల వెనుక 54 సంస్థలు ఉన్నట్లు తాము కనుగొన్నామని అది గొప్పలు చెప్పుకుంది. విద్యార్దుల ఉద్యమం వెనుక కమÖ్యనిస్టు మÖలాలు ఉన్నట్లు పేర్కొన్నది. నిజానికి అది పేర్కొన్న ప్రతి సంస్థ బహిరంగంగానే ఉద్యమంలో భాగస్వాములు లేదా మద్దతుదారుగా ఉంది.అమెరికాలో ప్రముఖ వామపక్షవాది, జర్నలిస్టు, ప్రవాస భారతీయుడైన విజయ ప్రసాద్ నిర్వహిస్తున్న ట్రైకాంటినెంటల్ పరిశోధనా సంస్థ, ఫ్రాన్సులోని ప్రవాస భారతీయుల సంస్థ పీపుల్స్ ఫోరం ఉన్నట్లు, ఈ రెండు సంస్థలకు అమెరికాలో జన్మించి ప్రస్తుతం చైనాలో వాణిజ్యవేత్తగా ఉన్న మార్క్సిస్టు నివిల్లే రాయ్ సింగమ్ నిధులు అందచేస్తున్నట్లు ఆరోపించింది.లాభరహిత సంస్థ ట్రైకాంటినెంటల్ నిర్వాహకుడు విజయప్రసాద్ మÖడు ఖండాల్లోని న్యూఢిల్లీ, పారిస్, బ్యూనోసఎయిర్స్‌లో జరుగుతున్న ఉద్యమాలకు పోలిక ఉందంటూ ఎక్స్‌లో చేసిన పోస్టును ఫాక్స్ ఉటంకించింది.పాలస్తీనా విమోచన కోసం పోరాడుతున్న సంస్థలు ఒక చేత్తో ఎర్రజెండా మరోచేత్తో తమ పతాకాలను పట్టుకొని మరీ వీధుల్లోకి వస్తున్నట్లు ముస్లిం ద్వేషాన్ని కూడా అది రెచ్చగొట్టింది. పచ్చి కమÖ్యనిస్టు వ్యతిరేక ఫాక్స్ న్యూస్ తానేంటో మరోసారి నిరూపించుకుంది.అది చెప్పినదాని ప్రకార కమÖ్యనిస్టు యువజనులు, ఒక ముస్లిం సంస్థతో సహా 15 యువజన సంఘాలు, పన్నెండు కార్మిక సంఘాలు, ఎనిమిది కమÖ్యనిస్టు, సోషలిస్టు పార్టీలతో సహా 35 సంస్థలు,గ్రీస్, బ్రిటన్‌కు చెందిన సంస్థలు కూడా ఉన్నట్లు జాబితాను ప్రకటించింది. ఐరోపా, ఆసియా, ఆస్ట్రేలియా,ఆఫ్రికా, దక్షిణ, ఉత్తర అమెరికాల్లో ఉన్న కమÖ్యనిస్టు, సోషలిస్టు సంస్థలు ఒక బంధంతో కలిసి పనిచేస్తున్నాయని ఆరోపించింది. మనదేశంలో నీట్ పరీక్షా పత్రాల వెల్లడికి బాధ్యత వహిస్తూ మంత్రి ధర్మేండ్ర ప్రధాన్ రాజీనామా చేయాలంటూ సిజెపి సాగించిన ఉద్యమంలో బాధిత విద్యార్దులు, తలిదండ్రులెవరూ లేరంటూ కాషాయ దళాలు, వాటికి వంతపాడుతున్న మీడియా సంస్థలు చేసిన ప్రచారం తెలిసిందే. అంతకు ముందు ఏడాదికిపైగా రైతు ఉద్యమంలో కూడా రైతులు లేరని, ఖలిస్తానీలు ఉన్నారంటూ ప్రచారం చేసిన ప్రబుద్దులు కూడా వారే. ఫాక్స్ మీడియా కూడా అదే పల్లవిలో ఉద్యమానికి మద్దతు లేదా పాల్గ్గొంటున్న 54 సంస్థలలో మÖడో వంతు మాత్రమే విద్యార్ధి లేదా యువజన సంఘాలు ఉన్నట్లు బురద చల్లింది. ఉద్యమాలకు నిజంగానే పోలిక ఉన్నట్లుగానే ఇలాంటి ప్రచారానికి కూడా అదే లక్షణం ఉందంటే తప్పేముంది. ఇజ్రాయెల్, లాటిన్ అమెరికాలోని అనేక దేశాల్లో పోలీసులు, భద్రతా దళాలు కిరాయి మÖకలకు ఆయుధాలిచ్చి దాడులు చేయించటం, చంపటం అందరికీ తెలిసిందే. దాన్నే ఇటీవల ఢిల్లీ పోలీసులు కూడా వారు కాషాయ దళాలు కావచ్చు లేదా ఇతర అసాంఘిక శక్తులు కావచ్చు తమ వెంటపెట్టుకొని ప్రతిపక్ష ఆందోళన కారుల మీద దాడులు చేయించిన సంగతి తెలిసిందే. ఇలాంటి ప్రమాదకర అవలక్షణాలు నేర్చుకొనేందుకు భారత్‌లోని కాషాయదళం, ఐరోపాలోని పచ్చిమితవాదులు, ఇజ్రాయెల్‌లోని యÖదు దురహంకారులు అందరూ ఒకే బడిలో చదువుకున్నట్లు కనిపించటం లేదూ ! పాతపడిన ఫాక్స్ వంటి రోత కథనాలు, పిట్టకతలను జనాలు నమ్మే స్థితిలో లేరన్నది వేరే చెప్పనవసరం లేదు. ఫ్రెంచి వారికి కమÖ్యనిస్టు, సోషలిస్టులు, వారు సాగించిన ఉద్యమాలూ కొత్తకాదు.

ఇరవై ఎనిమిది కమÖ్యనిస్టు, సోషలిస్టు ఇతర సంస్థలు కలసి ఒక అంతర్జాతీయ కూటమిగా ఏర్పడి ఐరోపాలోని పన్నెండు దేశాల్లో పని చేస్తున్నట్లు కూడా ఫాక్స్ పేర్కొన్నది. “ వారి యుద్దాల కోసం కాదు మీ భవిష్యత్ కోసం పోరాడండి ” అనే నినాదంతో పలురకాల ఆందోళనలకు పిలుపుచ్చినట్లు చెప్పింది. ఇవన్నీ రహస్యంగా ఒక అడవిలో కూర్చుని చేసిన నిర్ణయాలు కాదు.పొదుపు పేరుతో ఐరోపా అయినా మరొక ఖండదేశాలైనా అమలు చేస్తున్నది సంక్షేమ పథకాలపై దాడే. ప్రపంచీకరణ పేరుతో యావత్ కార్పొరేట్ శక్తులు ఏకమై దోపిడీ సాగిస్తున్నట్లుగానే దాన్ని ఎదుర్కొనే శక్తులు కూడా ఒక వేదిక మీద సమీకృతం అయితే తప్పేముంది. అమెరికా మిలిటరీ ఖర్చును తగ్గించాలని డిమాండ్ చేస్తూ రాయ్ సింగమ్ సతీమణి జోడీ ఇవాన్స్ నాయకత్వంలో నవంబరులో ప్రచారం సాగించేందుకు పథకం వేశారని ఫాక్స్ ఆరోపించింది.ఆమె అమెరికా, భారత్,ఫ్రాన్స్, స్పెయిన్ దేశాలలో యువతను ప్రదర్శనలు చేయాలంటూ రెచ్చగొడుతున్నట్లు చెప్పింది. సరిగ్గా మనదేశంలో కూడా నరేంద్రమోడీ విధానాలకు వ్యతిరేకంగా ఉద్యమించిన రైతులు,యువజనులు,నోయిడా కార్మికులు, ఎవరైనా సరే ప్రతి ఆందోళన వెనుక విదేశాలు, విచ్చిన్న శక్తులు ఉన్నాయనే గోబెల్స్ ప్రచారం సంగతి తెలిసిందే. పశ్చిమాసియా సంక్షోభాన్ని సృష్టించింది అమెరికా, దానితో తలెత్తిన ఇంథన ధరల పెరుగుదల, లభ్యత అంశాలపై తలెత్తిన జనాల అసంతృప్తిని సొమ్ము చేసుకుంటున్నది ఐరోపాలోని పచ్చిమితవాద శక్తులు. సోషలిస్టులు, మధ్యేవాద పార్టీలు గతంలో అధికారానికి వచ్చిన్పటికీ కాన్సర్‌కు శస్త్ర చికిత్సకు బదులు గోళీలతో వైద్యం చేసినట్లు సంస్కరణలకే పరిమితం కావటంతో వాటి మీద జనాలకు విశ్వాసం కుదరటం లేదు.దాదాపు ఐరోపాలోని ప్రతి దేశంలోనూ ఏదో ఒక తరగతి తక్షణ సమస్యల మీద వీధులకు ఎక్కుతున్నది. అందుకే తాము పరిష్కరిస్తామని మితవాద, ఫాసిస్టు శక్తులు ముందుకు వస్తుంటే వాటిని సామాన్య జనాలు కూడా నిజమే అని నమ్ముతున్నారు. తమ ప్రయోజనాలకు పెద్దపీట వేస్తాయని కార్పొరేట్ శక్తులు కూడా వాటిని బలపరుస్తున్నాయి.

ఇరాన్‌పై అమెరికా,ఇజ్రాయెల్ దాడుల పర్యవసానంగా తమ సమాజం అక్టోబరు మÖడోవారం నాటికి 112 బిలియన్ డాలర్ల మేర మÖల్యం చెల్లించుకోవాల్సి వచ్చిందని ఐరోపా కమిషన్ అంచనా వేసింది. నిరసనకారుల డిమాండ్లలో న్యాయసమ్మతమైనవి ఉన్నాయని ఫ్రెంచి అధ్యక్షుడు మక్రాన్ అంగీకరించాల్సి వచ్చింది. ఫ్రాన్సులోని ప్రభుత్వ పాఠశాలల్లో అరవైశాతం 1980కి ముందు నిర్మించినవే. సరైన నిర్వహణలేక, కొత్తవాటిని నిర్మించకపోవటంతో ఇబ్బందులు పడుతున్నారు.తరగతి గదుల్లో రద్దీని తగ్గించటానికి కొత్త 90వేల టీచర్ పోస్టులు అవసరం కాగా ప్రభుత్వం పట్టించుకోవటం లేదు.వచ్చే ఏడాది నాటికి జిడిపికి 119శాతం అప్పు ఉంటుందని అంచనా.నిరసనను అణచివేసేందుకు పూనుకోవటంతో ఇటలీలోని మిలాన్ నగరంలో ఆందోళనకారులుదుకాణాలపై దాడులకు దిగారు. గెలా ప్రాంతంలోని రైతులు నిరసనకు దిగారు.సాగుచేసి అప్పులను ప్రతిఫలంగా పొందామని చెప్పారు.దక్షిణ ఇటలీలో రైతులు,కార్మికులు అనేక ప్రాంతాల్లో రవాణా వ్యవస్థలకు ఆటంకం కలిగించారు. పోర్చుగీసు లిస్బన్ నగరంలో లక్షల మంది వేతనాలు, ఇతర సమస్యలపై నిరసన ప్రదర్శన చేశారు. స్పెయిన్‌లో 87 సంవత్సరాల వృద్దురాలిని అద్దె ఇంటి నుంచి గెంటివేయటంతో ఇండ్ల సమస్య మీద దేశవ్యాపితంగా ఆందోళనకు దారితీసింది. బెల్జియం, అల్బేనియా ఒకటేమిటి ఏ దేశంలో నిరసన తలెత్తినా దాని వెనుక ఆర్థిక దిగజారుడే ప్రధాన కారణంగా కనిపిస్తున్నది.జనాల కొనుగోలు శక్తి తగ్గటంతో ప్రజాకర్షక రాజకీయాలు ముందుకు వచ్చాయి.పెరిగిన ఇంథన ధరలు, లోటుబడ్జెట్ సమస్యను తాను పరిష్కరిస్తానంటూ ఫ్రాన్సు పచ్చిమితవాద నాయకురాలు మెరీనె లీపెన్ ఎన్నికల ప్రచార అస్త్రంగా ఎంచుకున్నారు. ఇరాన్‌పై దాడులు ప్రారంభమైనప్పటి నుంచి ఆమె రేటింగ్స్ పెరుగుతున్నాయి.ఇంథన మీద వ్యాట్ (పన్ను) తగ్గిస్తానని ఆమె వాగ్దానం చేశారు. జర్మనీ స్థానిక ఎన్నికలలో బలం పెంచుకున్న మితవాద ఎఎఫ్‌డి పార్టీ రష్యాతో సంబంధాలను పునరుద్దరించుకోవాలని డిమాండ్ చేసింది. ఉక్రెయిన్‌కు మద్దతు ఇచ్చి ప్రభుత్వం తప్పు చేసిందని ధ్వజమెత్తింది.వరుసగా ఐదవ ఏడాది కూడా జర్మనీలో జీవన వ్యయం పెరిగినట్లు సర్వేలు చెబుతున్నాయి. ఇటలీలో పచ్చిమితవాద పార్టీ నేత జార్జియా మెలోని అధికారాన్ని కొత్తగా పుట్టుకొచ్చిన అలాంటి మరొక పార్టీ సవాలు చేస్తున్నది, అది కూడా రష్యాతో సంబంధాలను పునరుద్దరించుకొని ఇంథనాన్ని తెచ్చుకోవాలని కోరుతున్నది.ఉక్రెయిన్‌కు గట్టి మద్దతుదారుగా ఉన్న పోలాండ్‌లో పెరుగుతున్న ఇంథన ధరల సంగతేమిటని, రష్యా నుంచి ఎందుకు కొనుగోలు చేయటం లేదని అక్కడి మితవాద పక్ష నేత ప్రశ్నిస్తున్నాడు. సంక్షోభ పరిస్థితిని తమకు అనుకూలంగా మార్చుకోవటం, నిరసనలు తెలిపేవారి వెనుక కమÖ్యనిస్టులు, ఇతరులు ఉన్నారని చెప్పటం అసలు సమస్యలను పక్కదారి పట్టించటం, అణచివేతలకు సాకులు వెతకటం తప్ప వేరొకటి కాదు !

చైనా- అమెరికా సంబంధాలు : షీ జింపింగ్ పర్యటన, పర్యవసానాలేమిటి !

30 Wednesday Sep 2026

Posted by raomk in Africa, CHINA, Current Affairs, Economics, Europe, History, imperialism, INDIA, International, INTERNATIONAL NEWS, Opinion, USA

≈ Leave a comment

Tags

China-US Relations, Chinese President Xi Jinping, Donald trump, EU China Trade, Narendra Modi, Xi Jinping, Xi US tour 2026

ఎం కోటేశ్వరరావు

గత వారంలో మÖడు రోజుల పాటు చైనా అధినేత షీ జింపింగ్ అమెరికా పర్యటన జరిపారు.అసాధారణ రీతిలో అధ్యక్షుడు డోనాల్డ్ ట్రంప్ బేస్ ఆండ్రూస్ విమానాశ్రయంలో విమానం వద్దకు వెళ్లి రెడ్ కార్పెట్‌తో స్వాగతం పలకటంతో అమెరికా, యావత్ ప్రపంచ మీడియా కూడా దానికి ఎంతో ప్రాచుర్యం కల్పించింది. దీర్ఘకాలం తరువాత చైనా అధినేత అమెరికా పర్యటన జరిపాడు. అప్పటికీ ఇప్పటికీ రెండు దేశాలలో ఎన్నో మార్పులు జరిగాయి. అనేక రంగాలలో అమెరికా బలహీనపడగా చైనా తన స్థానాన్ని మెరుగుపరుచుకుంది.ఉభయనేతలు భిన్నమైన తమ ప్రాధాన్యతలను మరింత ముందుకు తీసుకుపోయేందుకు ప్రయత్నం చేస్తున్న తరుణమిది.అయితే అది ఎక్కడా బహిరంగ ప్రకటనల్లో కనిపించదు. జిడిపిలో ప్రధమ, ద్వితీయ స్థానాల్లో ఉన్న రెండు దేశాల నేతల భేటీ సాధించిందేమిటి, పరిణామాలు, పర్యవసానాల గురించి విశ్లేషకులు చర్చలు చేస్తున్నారు. ఉభయులు అనేక అంశాల గురించి చర్చించుకున్నప్పటికీ ఏం జరిగిందన్నది వెల్లడి కాలేదు. కొత్త ఒప్పందాలేమీ లేకపోవటం, గతంలో కుదిరిన అవగాహనలను మరో రెండు నెలల పాటు కొనసాగించాలని నిర్ణయించటంతో యథాతధ స్థితి కొనసాగుతున్నదని కొందరు వర్ణించారు.అనేక దేశాల మీద బస్తీమే సవాల్ అంటూ వీరంగం వేస్తున్న డోనాల్డ్ ట్రంప్, ఒక దేశంగా అమెరికా చైనా విషయంలో ఆచితూచి వ్యవహరించటం వెనుక ఉన్నదేమిటి అనే విశ్లేషణలు కూడా వెలువడుతున్నాయి.

షీ జింపింగ్ పర్యటనలో ఎనిమిది అంశాలపై ఏకీభావం కుదిరిందని శనివారం నాడు చైనా ప్రకటించింది. రెండు దేశాల వ్యూహాత్మక స్థిరత్వానికి నిర్మాణాత్మకమైన గుణనిర్దేశాన్ని సాధించినట్లు వర్ణించింది. పరస్పర గౌరవం, అరమరికలు లేకుండా ఉభయదేశాల సంబంధాలను నిర్మాణాత్మకంగా ముందుకు తీసుకుపోవాలని నిర్ణయించారు.ఒక పక్షం గెలిచింది, ఒక పక్షం ఓడింది అన్నట్లుగాక ఉభయులు లబ్దిపొందేందుకు అంగీకరించారు. అయితే గత చరిత్ర, అనుభవాన్ని బట్టి అమెరికా దీనికి కట్టుబడి ఉంటుందా అన్న ప్రశ్న ఎప్పుడూ ఉంటుంది. అమెరికాకు అగ్రస్థానం అన్న ట్రంప్ లక్ష్యం నెరవేరాలంటే ప్రపంచాధిపత్యం కోసం ప్రయత్నించకుండా సాధ్యం కాదు.దానిలో భాగంగా అన్ని దేశాల మీద పన్నుల కొరడా ఝళిపిస్తానంటూ ట్రంప్ ప్రకటించిన సంగతి తెలిసిందే. మీరిచ్చే మర్యాదకు ప్రతిగా మేము కూడా చేస్తామని చైనా హెచ్చరించటంతో అమెరికా వెనకడుగువేయాల్సి వచ్చింది. అది వ్యూహాత్మకమా, దానికి శక్తిలేకనా అన్నది ముందు ముందు తెలుస్తుంది. ఒక ఏడాది కాలంలో ఉభయదేశాల నేతలు ఇప్పటికే పరస్పర పర్యటనలు చేశారు.నవంబరు నెలలో చైనాలో జరిగే 21దేశాల ఆసియా పసిఫిక్ ఆర్థిక సహకార(ఎపెక్) సమావేశానికి ట్రంప్, డిసెంబరు మాసంలో అమెరికా ఆతిధ్యంతో జరిగే జి 20 సభకు షీ జింపింగ్ హాజరుకావాలని నిర్ణయించారు. అణ్వాయుధాలను సమకూర్చుకోబోమన్న అంగీకారాన్ని ఇరాన్ అమలు చేయాలని ఇద్దరు నేతలూ ఆకాంక్షించారు. హార్ముజ్ జలసంధి అంతర్జాతీయ జలాల్లో ఏ దేశమÖ లేదా సంస్థ కూడా నౌకల రాకపోకల పన్ను వసూలు చేయకూడదని కూడా ఏకీభావం వెల్లడించారు. రెండవ ప్రపంచ యుద్ధంలో చైనా, అమెరికా రెండూ మిత్రదేశాలుగా విజయం కోసం పోరాడిన అంశాన్ని గుర్తు చేసుకొని “ టోక్యో విచారణ” కు ఎనభై సంవత్సరాలు నిండుతున్నాయని, భద్రతా మండలి శాశ్వత సభ్య రాజ్యాలుగా ఉన్న చైనా, అమెరికా రెండవ ప్రపంచ యుద్దం తరువాత నెలకొన్న ప్రపంచ వ్యవస్ధకు ఇరుదేశాలూ కట్టుబడి ఉండాలని, మరోసారి సైనికవాదం తలెత్తకుండా చూడాలని అభిప్రాయపడ్డారు.(జపాన్ రాజ్యాంగాన్ని మార్చుకొని ఆత్మరక్షణ దళాల స్థానంలో పూర్తి స్థాయి మిలిటరీని సమకూర్చుకోవాలని చూస్తున్న సంగతి, అది అమెరికా మిత్రదేశంగా ఉన్న అంశాన్ని ఈ సందర్భంగా గుర్తు చేసుకోవటం అవసరం) వాణిజ్య విషయానికి వస్తే ఉభయదేశాల బృందాల చర్చలలో ముందుకు వచ్చిన వాణిజ్య మండలి, 30 బిలియన్ డాలర్ల వంతున ఇరుదేశాలూ పన్నుల తగ్గింపు అమలుకు పూనుకోవాలని కూడా ట్రంప్షీ అంగీకరించారు.కృత్రిమ మేథ(ఏఐ) సంబంధిత ముప్పులాభాల గురించి అభిప్రాయ మార్పిడికి ఒక యంత్రాంగాన్ని నవంబరు నాటికి ఏర్పాటు చేసుకోవాలని నిర్ణయించారు.

రెండు పెద్ద దేశాల మధ్య సయోధ్య అది తాత్కాలికమా‘శాశ్వతమా అన్న అంశాన్ని పక్కన పెడితే ఎంతకాలం కొనసాగితే అంతకాలం అనేక దేశాలకు పరోక్షంగా ఎంతో ఉపయోగం. ఇరుదేశాల నేతల మధ్య వాషింగ్టన్‌లో జరిగిన చర్చలలో ఇరాన్అమెరికా చర్చలు, సంప్రదింపుల ద్వారా సమస్యను పరిష్కరించుకోవాలని జింపింగ్ ఆకాంక్షించారు. అయితే ఇరాన్ మీద వత్తిడి తేవాలని కోరిన ట్రంప్‌కు నిరాశే ఎదురైందని వారి భేటీ తరువాత వెలువడిన విశ్లేషణలు చెబుతున్నాయి. ప్రస్తుత వివాదం మరింత విస్తరించకుండా ఉండాలని ఈజిప్టుతో సహా మధ్య ప్రాచ్యదేశాలే కాదు, ఐరోపా కూడా కోరుకుంటున్నది.అమెరికా గనుక తమ విషయంలో తెగేదాకా లాగితే హార్ముజ్ జలసంధితో పాటు ఎర్ర సముద్రంఅరేబియా సముద్రాలను కలిపే బాబ్ ఎల్ మండాబ్‌ను కూడా స్థంభింప చేస్తామని ఇరాన్ హెచ్చరించిన సంగతి తెలిసిందే. అదే గనుక జరిగితే మధ్యధరాఎర్ర సముద్రాలను కలిపే సూయజ్ కాలువ ద్వారా జరిగే నౌకా రవాణాకు అంతరాయం ఏర్పడుతుంది.తద్వారా ఎగుమతి దిగుమతులకు ఇబ్బందేగాక ఈజిప్టు ఆదాయానికి గండిపడుతుంది.“ పెత్తందారీ భాష సమస్యలను పరిష్కరించదు, ఏమీ చేయకుండా నిరంతర భద్రత నిలవదు” అని షీ స్పష్టంగా చెప్పాడు. అది ఇరాన్, మధ్య ప్రాచ్యం గురించే అన్నది తెలియనంత అమాయకుడు కాదు ట్రంప్. ఆఫ్రికా ఖండంలో చైనా, రష్యా పలుకుబడి పెరగకుండా అమెరికా తన మిలిటరీని పటిష్టపరుస్తున్నది. అందుకు ప్రతిగా బీజింగ్, మాస్కో పని చేస్తున్నాయి. షీ జింపింగ్ అమెరికా పర్యటన పర్యవసానాలు ఐరోపా మీద కూడా పడే అవకాశం ఉంది. ఉక్రెయిన్ సంక్షోభం పరిష్కారం కావటంలో ఐరోపా ఇస్తున్న ప్రాధాన్యత చైనాఅమెరికాలకు లేదు. మధ్యంతర ఎన్నికలకు ముందు వాణిజ్య వ్యవహారాల్లో చైనా మనస్సు కరగాలని అమెరికా కోరుకుంటున్నది.మరోవైపు ఐరోపాచైనా వాణిజ్య ఉద్రిక్తతలు పెరుగుతున్నాయి. రోజుకు ఒక బిలియన్ యÖరోల వాణిజ్య లోటు చైనాతో పెరుగుతున్నదని ఐరోపా కమిషన్ అధ్యక్షురాలు ఉర్సులా వాండెర్ లేయన్ చెప్పిన అంశం తెలిసిందే.తమ వాణిజ్యలోటును తగ్గించుకొనేందుకు అమెరికాతో కలసి పని చేయాలని ఐరోపా కోరుకుంటున్నప్పటికీ అమెరికా తన సంగతి తాను చూసుకుంటున్నది. ఈ స్థితిలో తాము ఏదో ఒకటి చేయాలన్న తాపత్రయాన్ని వెల్లడిస్తున్నప్పటికీ దానికా శక్తి లేదని తేలిపోయింది. ఇరాన్‌పై నిరంతర దాడులతో అమెరికా వద్ద ఆయుధాలు నిండుకుంటున్నాయనే వార్తలు ఐరోపాకు ఆందోళన కలిగిస్తున్నాయి. తన అనుయాయులకు భద్రత కల్పిస్తామన్న అమెరికా మాటల మీద అనేక దేశాలకు అనుమానాలు కలుగుతున్నాయి.చైనా అమెరికా వాణిజ్య విషయంలో ఘర్షణ పడతాయని దాంతో చైనాలో ఉన్న అనేక పరిశ్రమలు, విదేశీ పెట్టుబడులు మన దేశానికి బారులు తీరుతాయని అనేక మంది కరోనా తరువాత కథనాలు ప్రచురించారు. అదేమీ జరగలేదు. పరస్పరం ఒకరి మీద ఒకరు ఆధారపడిన అంశం చైనీయులకుఅమెరికన్లకు తెలుసు అందువలన సాధ్యమైనంత కాలం రాజీపడతారు తప్ప ఘర్షణకు దిగి నష్టపోయేందుకు సిద్దంకాదని మనదేశంలో భ్రమలు పెట్టుకున్నవారు గ్రహించాలి.

తైవాన్ సమస్యపై వాషింగ్టన్ నిరంతరం బీజింగ్‌ను ఒకవైపు రెచ్చగొడుతూనే మరోవైపు భిన్న సంకేతాలు ఇస్తున్నది. మే నెలలో ట్రంప్ చైనా పర్యటన తరువాత తైవాన్ తమకు తొమ్మిదిన్నరవేల మైళ్ల దూరంలో ఉంది అని వ్యాఖ్యానించాడు. అంతదూరం ప్రయాణించి మిలిటరీ జోక్యం చేసుకోవటం సాధ్యం కాదన్న భావం దానిలో ధ్వనించింది. ఇదే సమయంలో తైవాన్‌కు ఆయుధాల సరఫరా చైనాతో బేరసారాలకు తురుపుముక్క అని కూడా చెప్పాడు.ఇటీవలనే 14 బిలియన్ డాలర్ల ఆయుధాలను అందచేసేందుకు అమెరికా ముందుకు వచ్చింది. అయితే షీ ఎన్నడూ తైవాన్ విషయంలో రాజీ వైఖరిని ప్రదర్శించలేదు. చైనాతో ఎలా వ్యవహరించాలన్న అంశంలో అమెరికాలో భిన్నాభిప్రాయాలు ఉన్నాయి. ట్రంప్ తొలిసారి అధికారానికి వచ్చినపుడు బీజింగ్ తమకు వ్యూహాత్మక పోటీదారు అని ప్రకటించాడు.అదొక జనాలకు అంతుబట్టని బ్రహ్మ పదార్ధంగా ఉంది. ఇటీవలి వైఖరిని చూస్తే ఉభయ దేశాల సంబంధాలు జి 2( రెండు దేశాల బృందం)గా ఉండేందుకు సిద్దం అన్న సంకేతాలు ఉన్నాయి.దానికి అనుగుణంగానే షీ జింపింగ్ స్పందన ఉంది. “ పోటీలో ఉన్నామని చెప్పుకొనేందుకు మినహాయింపులు అవసరం లేదు, కానీ మన పోటీ ఆరోగ్యకరంగా ఉండాలి, అది హద్దుల్లోనే ఉండాలి. ఒకరిని మరొకరు అందుకొనే పరుగుపోటీలా ఉండాలి తప్ప ఎవరో ఒకరు గెలవాలి లేదా ఓడిపోవాలన్న కుస్తీలా ఉండకూడదు.” అన్నాడు. వాషింగ్టన్ భేటీని చూసినపుడు చైనా పోటీదారు కాదు, సమానమైనది అని అంగీకరించేందుకు సిద్దం అన్నట్లుగా అమెరికా వైఖరి ఉందన్నది కొందరి విశ్లేషణ.

ప్రచ్చన్న యుద్ద సమయంలో అమెరికా`ఐరోపాల మధ్య ఉన్న సంబంధాల కారణంగా సోవియట్‌కు వ్యతిరేకంగా పోరాడాలనే వైUరిని జనంలో కలిగించటంలో అమెరికా సఫలమైంది. కానీ చైనా విషయంలో అది సాధ్యం కావటం లేదు. గత నాలుగున్నర దశాబ్దాలుగా చైనా వస్తువులు ప్రవేశించని ఐరోపా మార్కెట్ లేదు, అమెరికా సరేసరి.చైనా తమ సైద్ధాంతిక శత్రువుగా ఆ దేశాల వారు చూడటం లేదు. గతంలో రష్యన్లను శత్రువులుగా, బుర్రలేని వారిగా చిత్రించిన హాలీవుడ్ సినిమాలు పుంఖాను పుంఖాలుగా వచ్చినట్లు ఇప్పుడు చైనీయుల మీద తీసే సాహసం చేయటం లేదు. అలా తీస్తే 140 కోట్ల చైనా మార్కెట్‌ను అవి కోల్పోయినట్లే. అమెరికా రాజకీయ నేతలు కూడా పోటీ గురించి మాట్లాడుతున్నారు తప్ప గతంలో సోవియట్‌ను వర్ణించినట్లు చైనా మన శత్రువని స్వంత జనానికి చెప్పటం లేదు. సోవియట్ ప్రభావాన్ని అదుపు చేయాలన్నట్లు చైనా విషయంలో ఏ నాయకుడు కూడా సిద్దాంతాలను ముందుకు తేలేదు. ఒక స్నేహితుడిగా ఉండటం ఒక గౌరవంగా పరిగణిస్తానని ట్రంప్ చెప్పాడు. అమెరికా ప్రారంభించిన వాణిజ్య పోరులో మొత్తం మీద విజేత చైనా, నష్టపోయింది అమెరికా. గతేడాది ఫిబ్రవరి ఈ ఏడాది ఏప్రిల్ మధ్య అమెరికన్లు ఏ అంశం మీద స్పందిస్తున్నారో తెలుసుకొనేందుకు పూ పరిశోధనా సంస్థ చేసిన సర్వేలో పన్నెండు నెలల కాలంలో ఆరోగ్య సంరక్షణ ఖర్చు తట్టుకోలేకపోతున్నామని చెప్పిన వారు 67 నుంచి 73శాతానికి, ద్రవ్యోల్బణంపై 63 నుంచి 66కు, ఫెడరల్ బడ్జెట్‌లోటుపై 57 నుంచి 64, నిరుద్యోగంపై 25 నుంచి 36శాతానికి పెరిగారు. ఈ నేపధ్యంలో చైనా మీద జబ్బచరిచేందుకు, దెబ్బతీస్తానని, విజయం సాధిస్తామని చెప్పేందుకు ఏ నేత అయినా సాహసించగలడా ! పెట్టుబడిదారీ విధానాన్ని ఎలాగైనా నిలబెట్టాలని చూస్తున్నది అమెరికా పాలకవర్గం.సోషలిజాన్ని నిర్మించేందుకు కంకణం కట్టుకున్నది చైనా కమÖ్యనిస్టు పార్టీ. రెండు విరుద్దశక్తులు ఘర్షణ పడాలి కదా ఎందుకు అలా జరగటం లేదన్నది కొందరి ప్రశ్న.పెట్టుబడిదారీ వర్గం వందల సంవత్సరాల అనుభవంతో మౌలిక స్వభావాన్ని అట్టేపెట్టుకొని అనేక ఎత్తుగడలను అనుసరిస్తున్నది. ఆ వర్గం స్థానంలో దోపిడీ లేని శ్రామికవర్గ వ్యవస్థ కోసం పోరాడుతున్న శక్తులు కూడా అదే విధంగా వ్యవహరించకూడదు ?

కొత్త ఆయుధం ఉందన్న ఇరాన్ – హౌతీలతో అమెరికా రాజీ ?

23 Wednesday Sep 2026

Posted by raomk in Current Affairs, History, imperialism, International, INTERNATIONAL NEWS, Opinion, Readers News Service, USA, WAR

≈ Leave a comment

Tags

2026 US Attack Iran, Donald trump, Iran NPT, West Asia Crisis, Yemen Houthis

ఎం కోటేశ్వరరావు

సౌదీ అరేబియాకు మద్దతుగా ఎమెన్‌లోని హౌతీ తిరుగుబాటుదార్లకు పట్టున్న ప్రాంతాలపై దాడులకు ఆదేశించిన ట్రంప్, మిలిటరీ అన్ని రకాల ఆయుధాలను సిద్దం చేసిన తరువాత చివరి క్షణంలో ఆపండని చెప్పాడు. మరోవైపున ఓమన్ మధ్యవర్తిత్వంలో హౌతీలతో అమెరికా ఒక అవగాహనకు వచ్చినట్లు కూడా వార్తలు వచ్చాయి.దీన్ని బట్టి పశ్చిమాసియా సంక్షోభంలో అమెరికాలో తలెత్తిన గందరగోళం ఎలా ఉందో అర్ధం చేసుకోవచ్చు. తమతో ఒప్పందానికి రాకపోతే ఇరాన్ మొత్తాన్ని లేపివేస్తానని ట్రంప్ మరోసారి కోతలు కోశాడు. అదే జరిగితే ఊహించని కొత్త ఆయుధాలతో పశ్చిమాసియాలోని అమెరికా, ఇతర కొత్త లక్ష్యాలపై దాడులు చేస్తామని ఇరాన్ హెచ్చరించింది. బుధవారం నుంచి ఇరాన్ ఎయిర్‌లైన్స్ కార్యకలపాలను ప్రపంచ వ్యాపితంగా స్థంభింప చేస్తామని ట్రంప్ బెదరించాడు. తాము సౌదీ నౌకలు, ఇతర లక్ష్యాలపై తప్ప అమెరికా ఇతర దేశాల వాటి జోలికి వెళ్లటం లేదని హౌతీలు ప్రకటించారు. ఇది వ్యూహాత్మక నిర్ణయం అన్నది స్పష్టం. వారిపై దాడుల ఆలోచన విరమించటంతో ఎర్ర సముద్ర ప్రాంతం, ఎమెన్‌లోని అనేక కీలక ప్రాంతాలను వారు తమ ఆధీనంలోకి తెచ్చుకుంటున్నట్లు వార్తలు వచ్చాయి.తమ తరఫున మిలిటరీ చర్యలకు పాల్పడాలని కొద్ది రోజుల క్రితం సౌదీ చేసిన వినతిని వాషింగ్టన్ తిరస్కరించింది.అయితే సౌదీ రాజు మహమ్మద్ బిన్ సల్మాన్(ఎంబిఎస్) గురువారం నాడు మరోసారి చేసిన వినతి మేరకు శుక్రవారం నాడు ట్రంప్ సమ్మతించి దాడులకు సిద్దం కావాలని ఆదేశించాడు. విమానాల్లోకి బాంబులు, ఇతర మారణాయుధాలను సిద్దం చేసి ఎగరటానికి సిద్దం అవుతున్న సమయంలో ఆదివారం నాడు ఆపివేశాడు. గత బుధవారం నాడు తన సలహాదారులతో మాట్లాడుతూ హౌతీసౌదీ పోరులో దూరటం తనకు ఇష్టం లేదని చెప్పిన పెద్ద మనిషి తరువాత అంగీకరించి, వెనక్కు తగ్గిన మధ్యలో ఏం జరిగిందన్నది ఆసక్తికరం. తమకు పట్టున్న ప్రాంతాల నుంచి అమెరికా, ఇతర దేశాల నౌకల మీద ఎలాంటి దాడులు చేసేది లేదని, ఒక్క సౌదీ అరేబియా మీదనే తమ గురి అని హౌతీలు చెప్పారు. ఈనెల పన్నెండున ఐర్లండ్ పర్యటనలో వారు తమ మీద దాడులు చేసేది లేదని చెప్పినట్లు ట్రంప్ స్వయంగా చెప్పాడు.అయినప్పటికీ సౌదీ నుంచి వచ్చిన వత్తిడి కారణంగా ఊగిసలాటను ప్రదర్శించాడు. సౌదీకి సాయాన్ని నిరాకరిస్తే రానున్న రోజుల్లో ఆ విషయాన్ని అది గమనంలో ఉంచుకొని వ్యవవహరిస్తుందని అమెరికా మాజీ అధికారి ఒకరు ట్రంప్ యంత్రాంగాన్ని హెచ్చరించాడు.

గత కొద్ది రోజులుగా ఎర్ర సముద్ర ప్రాంతంలోని ముఖ్యమైన దీవులను, ఒక రేవును హౌతీలు స్వాధీనం చేసుకొని తమ సత్తా చాటారు. దాడుల నిలిపివేత గురించి న్యూయార్క్ టైమ్స్ పత్రిక ఇచ్చిన వార్త తప్ప అధికారికంగా ధృవీకరించలేదు. అదే సమయంలో దాడులకు కూడా పూనుకోలేదు.సౌదీతో తమకు రక్షణ ఒప్పందం ఉందని, తమ ఆనుయాయులను ఎల్లవేళలా కాపాడతామని అధికారులు చెప్పటాన్ని బట్టి తిరిగి దాడులకు ఆదేశించినా ఆశ్చర్యం లేదు. ట్రంప్ అంతరంగికులలో ఎక్కువ మంది దాడుల పట్ల ఆసక్తితో లేరని మరో అధికారి చెప్పినట్లు కూడా వార్త వచ్చింది.ఇరాన్‌తో ఏదో ఒకటి తేల్చుకోవాలనే వైఖరితో ట్రంప్ ఉన్నట్లు తనతో చెప్పాడని ఫాక్స్ న్యూస్ ట్రే ఇంగెస్ట్ అనే విశ్లేషకుడు వెల్లడించాడు. పెద్ద పరిణామాలు జరిగే అవకాశం ఎంతో దూరంలో లేదని ట్రంప్ తనతో చెప్పాడని, తమ దేశాన్ని పేల్చివేయకుండా ఉండాలంటే దానికి అనుగుణంగా ఉండాలో లేదో ఇరానియన్లు తేల్చుకోవాలని ఇంగెస్ట్ అన్నాడు. ఇలాంటి వదరుబోతు మాటలను గత ఏడు నెలల్లో ఎన్నోసార్లు చూశాం. ట్రంప్ ఏం చేస్తాడో తెలియదు గానీ ఇప్పుడు దాడులకు దిగితే బాబ్ ఎల్ మండాబ్ జలసంధిని హౌతీలు దిగ్బంధిస్తే అమెరికా పార్లమెంట్ ఎన్నికల్లో అది మరింతగా ట్రంప్ ప్రతిష్ట దిగజార్చుతుందని వేరే చెప్పనవసరం లేదు. ఇప్పటికే విమాన ఇంథన కొరతతో ఐరోపా దేశాలు ఇబ్బందులు పడుతున్నాయి. ఎర్ర సముద్ర మార్గం మÖసుకుపోతే సమస్య మరింతగా ముదురుతుంది.
సౌదీ అరేబియా రాజధాని రియాద్‌లోని కీలక ప్రాంతాలపై హౌతీలు జరిపిన క్షిపణి, డ్రోన్ దాడులతో విమానాశ్రయ సమీపంలో మంటలు చెలరేగాయి. జూలై నుంచి ప్రారంభమైన దాడులతో తొలిసారిగా శుక్రవారం రాత్రి రియాద్‌లో హెచ్చరికలు జారీ చేశారు.మరుసటి రోజు దాడులు జరిగాయి. సౌదీ చమురు కంపెనీ ఆరామ్‌కో మంటలతో పాటు నగరంలో అనేక చోట్ల పేలుడు శబ్దాలు వినిపించాయి.హౌతీల దాడుల తరువాత సౌదీ నుంచి చమురు ఎగుమతులు పడిపోవటంతో బ్రెంట్ రకం ముడి చమురు ధరలు సెప్టెంబరు 15న 109 డాలర్ల వరకు పెరిగాయి, తరువాత ఎగుమతులు పెరగటంతో సోమవారం నాడు 99 డాలర్లకు తగ్గి బుధవారం నాడు వంద డాలర్లకు 98 డాలర్లకు పడిపోయింది. ఒక వైపు బెదిరిస్తూనే ఇరాన్‌తో ఒప్పందానికి చేరువలో ఉన్నట్లు ట్రంప్ సంకేతాలిచ్చాడు. అయితే తాము వెనక్కు తగ్గేది లేదని టెహరాన్ తన షరతులను పునరుద్ఘాటించింది.

రియాద్‌పై దాడి అంతర్జాతీయ న్యాయ సూత్రాలను ఉల్లంఘించటమే అని ఈజిప్టు, జోర్డాన్, కువాయిట్ వ్యాఖ్యానించాయి. ఎమెన్ అంతర్గత వ్యవహారాల్లో జోక్యం చేసుకొని అక్కడి ప్రభుత్వానికి మద్దతుగా హౌతీలపై సౌదీ పది సంవత్సరాల పాటు దాడులు చేయటాన్ని గతంలో ఈదేశాలేవీ గతంలో ఖండించలేదు. అన్ని మతవిలువలకు తిలోదకాలిచ్చి సౌదీపై దాడులు చేయటాన్ని ఖండిస్తున్నట్లు ప్రపంచ ముస్లిం లీగ్ ప్రకటించింది.సౌదీ అరేబియా తరఫున ఒకవేళ తుర్కియే, పాకిస్తాన్ తమపై దాడులకు దిగితే ఉక్కు పిడికిలితో సమాధానమిస్తామని హౌతీలు హెచ్చరించారు.తమపై ఎవరైనా దాడులకు దిగితే ఉమ్మడిగా ఎదుర్కోవాలని సౌదీ, తుర్కియే, పాక్ ఆగస్టు ఏడున మక్కా ఒప్పందం చేసుకున్న సంగతి తెలిసిందే.తమకు మద్దతు ఇవ్వాలని సౌదీ ప్రభుత్వం ఇజ్రాయెల్‌ను కూడా కోరింది.సాంకేతిక సాయంతో పాటు వీలైతే మిలిటరీ మద్దతు కూడా ఇస్తామని తుర్కియే ప్రకటించింది. అంతకు ముందు మిలిటరీ మద్దతు ఇచ్చేందుకు పాకిస్తాన్ తిరస్కరించినట్లు వార్తలు వచ్చాయి.తరువాత వైఖరిని మార్చుకున్నది. మక్కా, మదీనాల రక్షణ మతపరమైన తమ పవిత్ర బాధ్యత అని పాకిస్తాన్ ప్రకటించింది. సౌదీ, పవిత్ర స్థలాల రక్షణకోసం ఎంతకైనా సిద్దపడతామని ఇంటర్ సర్వీసెస్ ప్రజా సంబంధాల డైరెక్టర్ జనరల్ అహమ్మద్ షరీఫ్ చౌదరి ప్రకటించాడు. ఇప్పటికే ఆర్థిక ఇబ్బందుల్లో ఉన్నందున మిలిటరీ జోక్యం చేసుకుంటే పాక్ పరిస్థితి మరింతగా దిగజారుతుందని,భద్రతాపరమైన సవాళ్లు కూడా ఎదురవుతాయని విమర్శకులు పేర్కొన్నారు.
తమకు వ్యతిరేకంగా మరోసారి ఏదైనా తప్పు చేస్తే అమెరికా, మధ్య ప్రాచ్య ప్రాంతాలపై బాధాకరమైన దాడులకు దిగుతామని ఇరాన్ హెచ్చరించింది. నూతన ఆయుధాలతో గతంలో లక్ష్యంగా చేసుకొన్నవాటిని గాక కొత్త వాటిపై దాడి చేస్తామని సోమవారం నాడు ఇరాన్ ప్రకటించింది. ఈ పూర్వరంగంలో ఆ ప్రాంతదేశాల్లో పదకొండు అమెరికా రాయబార కార్యాలయాలు ప్రయాణాలకు అంతరాయం కలగవచ్చని తమ పౌరులు, సిబ్బందికి హెచ్చరికలు జారీచేశాయి. అమెరికా మరోసారి దాడులకు తెగబడవచ్చని ఇరాన్ అధికారిక మీడియా పేర్కొన్నది.

గాజాలో మారణకాండకు బాధ్యుడైన ఇజ్రాయెల్ ప్రధాని నెతన్యాహు అరెస్టుకు ఆదేశాలు జారీ చేసిన అంతర్జాతీయ నేర న్యాయస్థానంపై తీవ్ర ఆంక్షలు విధించాలని ట్రంప్‌సిద్దపడుతున్నట్లు వార్తలు వెలువడ్డాయి. డాలర్ల లావాదేవీలను నిషేధించి కోర్టు కార్యకలాపాలను దెబ్బతీయాలని చూస్తున్నట్లు వాల్ స్ట్రీట్ జర్నల్ రాసింది. ఆఫ్ఘనిస్తాన్‌లో అమెరికా సైనికుల దాడులపై కూడా దర్యాప్తు జరపాలని ఆ న్యాయస్థానం నిర్ణయించినప్పటి నుంచి అమెరికా ఆగ్రహంతో ఉంది.ఐసిసిలో పని చేసే అనేక మంది న్యాయమÖర్తులు, ప్రాసిక్యూటర్ల మీద ఇప్పటికే అమెరికా ఆంక్షలు ప్రకటించింది.అయితే తాజా ఆంక్షల ప్రకారం ప్రభుత్వ అనుమతి లేకుండా అమెరికన్ పౌరులు, కంపెనీలు సేవలు, వస్తువులు, నిధులు ఇవ్వకూడదు.దర్యాప్తు అధికారులను నియమించకూడదు, అమెరికన్ ఉద్యోగులకు వేతనాలు కూడా చెల్లించకూడదు.తమ మాదిరిగానే ఇతర దేశాలు కూడా ఈ కోర్టు నుంచి వెలుపలికి రావాలని విదేశాంగ మంత్రి మార్కో రూబియో పైరవీ చేస్తున్నాడు. ఇంతటి ఉద్రిక్తత ఉన్నప్పటికీ ఇరాన్ అధ్యక్షుడు మసూద్ పెజెషికియాన్ ఐరాస సాధారణ అసెంబ్లీ సమావేశాల్లో పాల్గ్గొనేందుకు న్యూయార్క్ వెళుతున్నట్లు అధ్యక్ష కార్యాలయం ప్రకటించింది. సెప్టెంబరు మÖడవ తేదీ నాటికి ఇరాన్‌పై జరిపిన దాడుల ఖర్చు 4,306 కోట్ల డాలర్లకు చేరినట్లు తమ ఎంపీలకు అమెరికా వెల్లడించింది.ఆగస్టు నాటికి 3,800 కోట్ల డాలర్లని, ఉద్రిక్తత తీవ్రతను బట్టి నెలకు అదనంగా 300 కోట్ల డాలర్ల వరకు అదనంగా పెరుగుతుందని పార్లమెంటు బడ్జెట్ కార్యాలయం వెల్లడించింది. నిజానికి ఇంతకంటే ఎక్కువగానే ఖర్చు అయినట్లు అనధికారిక అంచనాలు వెల్లడిస్తున్నాయి, ఎన్నికల ముందు అంగీకరించేందుకు ట్రంప్ యంత్రాంగం సిద్దంగా లేదు. మరోసారి దాడులకు తెగబడితే మరింత నష్టం లేకపోతే ఓటర్లలో పరువుకు భంగం అన్న భయంతో ట్రంప్‌కు ముందు నుయ్యి వెనుక గొయ్యిలా ఉంది. మొత్తం మీద చూస్తే పరిస్థితి అనిశ్చితి, అగమ్యగోచరంగా ఉంది !

   ఇరాన్ ఎట్టి పరిస్థితిలోనూ అణ్వాయుధాన్ని సమకూర్చుకోకుండా చూస్తామని, చర్చలకు తలుపు తెరిచే ఉన్నాయని ఐరాసలో అమెరికా రాయబారి మైక్ వాల్ట్ ఎక్స్‌లో పేర్కొన్నాడు.దశాబ్దాల క్రితమే ఎన్‌పిటిపై ఇరాన్ సంతకం చేసింది. దాని ప్రకారం అణ్వాయుధాలను తయారు చేయకూడదు. తాము ఇప్పటికీ దానికి కట్టుబడి ఉన్నామని, అయితే ఒప్పందం నుంచి వైదొలగాలనే ఆలోచన చేస్తున్నామని, అది అమెరికా మీద ఆధారపడి ఉంటుందని ఇరాన్ ఉన్నత భద్రతా అధికారి మొహసెన్ రెజాయ్ స్పష్టం చేశాడు.అమెరికా దాడులు, ఆంక్షల కారణంగా ఎన్‌పిటి నుంచి వైదొలగాలని కోరుతూ కొంత మంది ఇరాన్ పార్లమెంటు సభ్యులు ఒక బిల్లును ప్రతిపాదించారు. దానికి స్పీకర్ అనుమతి ఇస్తే సభలో చర్చించి ఆమోదించే అవకాశం ఉంది. అమెరికా గనుక దాడులు కొనసాగిస్తే పదిహేను సంవత్సరాల యువకులకు సైతం మిలిటరీ అవగాహన కలిగించాలని ఇరాన్ నిర్ణయించింది.పద్దెనిమిదేండ్లు దాటిన వారందరికీ మిలిటరీ శిక్షణ ఇస్తున్నారు. భాషా కేంద్రం ముసుగులో ఇరాన్ వ్యతిరేక కార్యకలాపాలకు పాల్పడుతున్నందుకు గాను టెహరాన్‌లోని ఫ్రెంచి భాషా కేంద్రాన్ని ఇరాన్ ప్రభుత్వం మÖసివేసింది.దీనికి వ్యతిరేకంగా ఇరాన్ రాయబారిని పిలిపించి తగుచర్యలు తీసుకుంటామని ఫ్రాన్సు ప్రభుత్వం ప్రకటించింది. తమ సంస్కృతి మీద దాడిగా ఈ చర్యను పరిగణిస్తామని పేర్కొన్నది.ఫ్రెంచి బోధన ముసుగులో ఇరాన్‌కు వ్యతిరేకంగా జనాలను కూడగడుతూ దేశభద్రతకు ముప్పు తెస్తున్నదని, ఇరానియన్లను దేశం వెలుపలకు దాటించేందుకు ఏర్పాటు చేస్తున్నందున అనేక సార్లు హెచ్చరించినా పట్టించుకొని కారణంగా రాయబార కార్యాలయానికి అనుబంధంగా ఉన్న ఆ కేంద్రాన్ని మÖసివేసినట్లు ఇరాన్ తెలిపింది.

బ్రిక్, బ్రిక్స్, బ్రిక్స్ ప్లస్.. అమెరికా ఆధిపత్యానికి ప్రతిఘటన!

17 Thursday Sep 2026

Posted by raomk in CHINA, Current Affairs, Economics, History, imperialism, INDIA, INTERNATIONAL NEWS, NATIONAL NEWS, Opinion, RUSSIA, USA

≈ Leave a comment

Tags

Anti US, BRICS 2026 Delhi Summit, BRICS expansion, Donald trump, Global South, Narendra Modi, Vladimir Putin, Xi Jinping

ఎం కోటేశ్వరరావు

బ్రిక్స్‌ 18వ శిఖరాగ్ర సమావేశం సెప్టెంబరు 12–13 తేదీలలో న్యూఢిల్లీలో జరిగింది. భారత్‌ 2012లో తొలిసారిగా బ్రిక్స్‌ సదస్సుకు ఆతిథ్యం ఇవ్వగా, అనంతరం మరో మూడుసార్లు నిర్వహించింది. మన్మోహన్‌సింగ్‌ ఒకసారి, నరేంద్ర మోడీ మూడు సార్లు అధ్యక్ష స్థానంలో ఉన్నారు. సంస్థ నిబంధనల ప్రకారం ప్రతి ఏడాది ఒక సభ్యదేశం అధ్యక్ష బాధ్యతలు చేపడుతుంది. వచ్చే ఏడాది చైనాకు ఈ బాధ్యతను ఢిల్లీ సమావేశం అప్పగించింది.“స్థిరత్వం, నవకల్పన, సహకారం, సుస్థిరత” అనే ఇతివృత్తంతో ఢిల్లీ ప్రకటనను సభ్యదేశాలు ఏకగ్రీవంగా ఆమోదించాయి. ప్రాంతీయంగా తీవ్రమైన ఉద్రిక్త తలు కొనసాగుతున్న పరిస్థితుల్లో పదకొండు సభ్యదేశాల మధ్య ఐక్యత సాధించడాన్ని కొందరు భారత్‌ దౌత్యపరమైన పురోగతిగా అభివర్ణించారు. అయితే గత బ్రిక్స్‌ సమావేశాలను పరిశీలిస్తే ఏకాభిప్రాయ సాధన కోసం రాజీపడటం, వివాదాస్పద అంశాలపై తీవ్ర పదజాలానికి దూరంగా ఉండటం సాధారణమేనని మరికొందరు అభిప్రాయపడ్డారు. ఐక్యరాజ్య సమితి భద్రతా మండలిని విస్తరించి, ప్రపంచ పాలనా వ్యవస్థలను సంస్కరించాలని బ్రిక్స్‌ కోరింది. అభివృద్ధి చెందుతున్న దేశాలకు ఐరాసలో తగిన ప్రాతినిధ్యం లేదని, వారి జనాభా, ఆర్థిక ప్రాధాన్యతకు అనుగుణంగా నిర్ణయాత్మక పాత్ర కల్పించాలని డిమాండ్‌ చేసింది.

ఇది భారత్‌, బ్రెజిల్‌కు భద్రతా మండలిలో శాశ్వత సభ్యత్వానికి పరోక్ష మద్దతుగా కొందరు విశ్లేషించారు. ప్రపంచ ఆర్థిక వ్యవస్థలో వర్ధమాన దేశాల వాటా పెరుగుతున్నందున ప్రపంచ బ్యాంకు, ఐఎంఎఫ్‌ కోటా విధానాన్ని కూడా సమీక్షించాలని సమావేశం కోరింది. డాలరుకు ప్రత్యామ్నాయంగా వెంటనే ఒక ఉమ్మడి బ్రిక్స్‌ కరెన్సీని ప్రవేశపెట్టే నిర్ణయం మాత్రం తీసుకోలేదు. బదులుగా సభ్యదేశాల మధ్య స్థానిక కరెన్సీలలో వాణిజ్య లావా దేవీలను పెంచుకోవాలని, స్థిరమైన సరఫరా వ్యవస్థలను నిర్మించు కోవాలని నిర్ణయించింది. పశ్చిమ దేశాలు ఏకపక్షంగా విధిస్తున్న పన్ను నిర్ణయాలను పేరు ప్రస్తావించకుండా విమర్శించింది. సాంకేతిక పరిజ్ఞానం, సహజ వనరులను ఆయుధాలుగా మార్చడాన్ని వ్యతిరేకించింది. గాజాలో జరిగిన మారణకాండను బ్రిక్స్‌ తీవ్రంగా ఖండించింది. అయితే ఇజ్రాయిల్‌, అమెరికా పేర్లను ఢిల్లీ ప్రకటనలో నేరుగా ప్రస్తావించలేదు. ఇరాన్‌పై జరిగిన దాడులను కూడా వ్యతిరేకిస్తూ దేశాలు సంయమనం పాటించాలని కోరింది. పాలస్తీనాకు పూర్తిస్థాయి ఐరాస సభ్యత్వం కల్పించాలని, 1967 నాటి సరిహద్దుల ఆధారంగా స్వతంత్ర పాలస్తీనా ఏర్పాటుతో పాటు తూర్పు జెరూసలేంను రాజధానిగా చేయాలని కోరింది. పహల్గామ్‌ దాడితో సహా అన్ని రకాల ఉగ్రవాద దాడులను ఖండించింది.

అంతర్జాతీయ చట్టాలకు అనుగుణంగా సముద్ర మార్గాల్లో వాణిజ్య నౌకల స్వేచ్ఛాయుత రవాణా, నావికుల భద్రతకు హామీ ఇవ్వాలని తీర్మానించింది. బ్రిక్స్‌లో ఏకాభిప్రాయమే ప్రధాన సూత్రం కావడంతో అనేక అంశాలపై రాజీ తప్పదు. అందువల్ల ఉమ్మడి కరెన్సీ విషయంలో కూడా నిర్దిష్ట చర్య తీసుకోలేదు. డాలరుకు ప్రత్యామ్నాయంపై చర్చ కొనసాగుతున్న ప్పటికీ తక్షణమే బ్రిక్స్‌ కరెన్సీ అమల్లోకి వచ్చే పరిస్థితి లేదు. దీనిపై అమెరికా అధ్యక్షుడు డొనాల్డ్‌ ట్రంప్‌ తీవ్ర హెచ్చరికలు చేశారు. డాలరును పక్కనపెట్టి ప్రత్యామ్నాయ కరెన్సీతో వాణిజ్యం చేస్తే బ్రిక్స్‌ దేశాలపై 100 శాతం సుంకాలు విధిస్తామని ఆయన హెచ్చరించారు. ప్రస్తుతం బ్రిక్స్‌లో బ్రెజిల్‌, రష్యా, భారత్‌, చైనా, దక్షిణాఫ్రికా, ఇరాన్‌, ఈజిప్టు, ఇథియోపియా, ఇండోనేషియా, సౌదీ అరేబియా, యుఏఈ ఉన్నాయి. మరో 34 దేశాలు చేరేందుకు ఆసక్తి వ్యక్తం చేసినట్లు పేర్కొనబడింది. ప్రపంచ ఆర్థిక వ్యవస్థలో డాలరు ఆధిపత్యం రెండో ప్రపంచ యుద్ధం అనంతరం బలపడింది. బ్రెట్టన్‌ వుడ్స్‌ వ్యవస్థలో ఒక ఔన్సు బంగారాన్ని 35 డాలర్లకు సమానంగా నిర్ణయించారు. 1971లో డాలరు-బంగారం సంబంధాన్ని అమెరికా తెంచిన తరువాత డాలరు మరింత స్వేచ్ఛగా అంతర్జాతీయ రిజర్వ్‌ కరెన్సీగా కొనసాగింది. యూరో ప్రవేశించినప్పటికీ డాలరుకు పూర్తి ప్రత్యామ్నాయంగా మారలేదు.

అయితే గత పాతికేళ్లలో డాలరు ప్రభావం క్రమంగా తగ్గుతున్న సంకేతాలు కనిపిస్తున్నాయి. 2024 డిసెంబరు 2న ఔన్సు బంగారం ధర 2,626 డాలర్లు ఉండగా, 2026 సెప్టెంబరు 15న అది 4,300 డాలర్లు దాటింది. డాలరును అమెరికా తన విదేశాంగ, ఆర్థిక విధానాల్లో ఆయుధంగా ఉపయోగి స్తోందనే ఆందోళన అనేక దేశాల్లో ఉంది. ఇరాన్‌, రష్యాలపై అమెరికా ఆంక్షలు విధించడంతో వాటితో వాణిజ్యం చేయడానికి ప్రత్యామ్నాయ కరెన్సీల అవసరం ఏర్పడింది. స్విఫ్ట్‌ అంతర్జాతీయ చెల్లింపు వ్యవస్థ నుంచి రష్యా, ఇరాన్‌లను తొలగించడం కూడా ఇతర దేశాలకు ప్రత్యామ్నాయ మార్గాలపై ఆలోచించే పరిస్థితిని కల్పించింది. డాలరును పూర్తిగా తిరస్కరించాలన్నది తమ లక్ష్యం కాదని, డాలరు లావాదేవీలపై పరిమితులు ఉన్నందున ప్రత్యామ్నాయాలను అన్వేషిస్తున్నామని రష్యా అధ్యక్షుడు పుతిన్‌ చెప్పారు. భారత్‌ మాత్రం ఈ విషయంలో జాగ్రత్తగా వ్యవహరిస్తోంది. విదేశాంగ మంత్రి ఎస్‌. జైశంకర్‌ డాలరును దెబ్బతీయడం తమ లక్ష్యం కాదని స్పష్టం చేశారు. కొన్ని వాణిజ్య భాగస్వాముల వద్ద డాలర్లు అందుబాటులో లేకపోవడం వల్ల స్థానిక కరెన్సీలలో లావాదేవీలు చేస్తున్నామని చెప్పారు.

రూపాయిలో వాణిజ్యం జరిగితే మారకపు విలువల హెచ్చుతగ్గుల ముప్పు తగ్గుతుంది. భారత్‌ ఇప్పటికే 24 దేశాలతో రూపాయి ఆధారిత లావాదేవీలకు అవగాహన ఏర్పరచుకున్నట్లు పేర్కొనబడింది. అయితే అమెరికాతో భారత్‌కు ఉన్న రాజకీయ, ఆర్థిక సంబంధాలు, ముఖ్యంగా ఐటీ, సేవలు, ఔషధ, వస్త్ర రంగాల పశ్చిమ మార్కెట్లపై ఆధారపడటం వల్ల డాలరుతో పూర్తిగా తెగతెంపులు చేసుకునే పరిస్థితి లేదు. చైనాతో వాణిజ్య లోటు ఉండగా అమెరికాతో మిగులు ఉండటం కూడా భారత్‌ వైఖరిని ప్రభావితం చేస్తోంది. బ్రిక్స్‌ జీడీపీలో చైనా వాటా సుమారు 70 శాతంగా ఉండటం మరో ముఖ్యఅంశం. ప్రత్యామ్నాయ కరెన్సీ ఏర్పడితే దానిపై చైనా ఆధిపత్యం పెరిగే అవకాశం ఉందనే ఆందోళన భారత్‌లో ఉంది. అందువల్ల భారత్‌ ఉమ్మడి కరెన్సీ పథకాలకు దూరంగా ఉంటూ, అవసరమైన చోట స్థానిక కరెన్సీ లావాదేవీలను మాత్రమే ప్రోత్సహి స్తోంది. ప్రపంచ జీడీపీలో అమెరికా వాటా 1960 దశకంలో సుమారు 40 శాతం ఉండగా 2026లో 25.64 శాతానికి తగ్గింది. చైనా వాటా 2000లో 3.6 శాతం నుంచి 16.5 శాతానికి పెరిగింది. ఇదే సమయంలో భారత్‌ వాటా 1.4 నుంచి 3.29 శాతానికి పెరిగింది.

ప్రపంచ వాణిజ్యంలో బ్రిక్స్‌ దేశాల వాటా కూడా క్రమంగా పెరుగుతోంది. విదేశీ మారక నిల్వల్లో డాలరు వాటా తగ్గుతున్న సమయంలో అనేక దేశాలు ఇతర కరెన్సీలతో పాటు బంగారం నిల్వలను పెంచు తున్నాయి. ప్రపంచ రిజర్వు బ్యాంకులు 2010లో 79.15 టన్నుల బంగారం కొనుగోలు చేయగా, 2015లో 579.6 టన్నులు, 2023లో 1,037.1 టన్నులు కొనుగోలు చేశాయి. ఆర్‌బీఐ వద్ద బంగారం నిల్వ 880.52 టన్నులకు, చైనా వద్ద 2,313 టన్నులకు చేరింది. అమెరికా వద్ద 8,133 టన్నులు, జర్మనీ వద్ద 3,350, ఫ్రాన్స్‌ వద్ద 2,437, ఇటలీ వద్ద 2,452, జపాన్‌ వద్ద 846 టన్నుల బంగారం ఉన్నట్లు తాజా గణాంకాలు సూచిస్తున్నాయి. బ్రిక్స్‌పై ట్రంప్‌ ఒత్తిడి ఉన్నప్పటికీ దాని ప్రధాన లక్ష్యం చైనా మార్కెట్‌, ఆర్థిక శక్తిని ఎదుర్కోవడమేనని ఈ పరిణా మాలను పరిశీలించినప్పుడు స్పష్టమవుతుంది. అమెరికాతో వాణిజ్య యుద్ధాన్ని ఎదుర్కొనేందుకు చైనా గత కొన్నేళ్లుగా ప్రత్యామ్నాయ మార్గాలను అభివృద్ధి చేస్తోంది. అమెరికా తీసుకున్న చైనా రుణం సుమారు 734 బిలియన్‌ డాలర్లు ఉండగా, 2017 నుంచి చైనా దానిని క్రమంగా తగ్గిస్తోంది. చైనా తన వద్ద ఉన్న అమెరికా బాండ్లను పెద్ద మొత్తంలో విక్రయిస్తే ప్రపంచ ఆర్థిక మార్కెట్లపై ప్రభావం పడే అవకాశం ఉంది. అయితే చైనాకూ నష్టం కలిగే ప్రమాదం ఉండటంతో అది జాగ్రత్తగా వ్యవహరించాల్సి ఉంటుంది.

అమెరికాను ఎదుర్కొనేందుకు చైనా వద్ద మరో సాధనంగా యువాన్‌ విలువను తగ్గించడం, సెమీకండక్టర్లు, విద్యుత్‌ బ్యాటరీలకు అవసరమైన అరుదైన ఖనిజాల ఎగుమతులను నియంత్రించడం, అమెరికా కంపెనీల ఉత్పత్తులపై ఆంక్షలు విధించడం వంటి అవకాశాలను పరిశీలకులు ప్రస్తావిస్తున్నారు. అయితే వీటిని చైనా వాస్తవంగా ఎంతవరకు ఉపయోగిస్తుందో చెప్పలేం. మొత్తంగా ఢిల్లీ బ్రిక్స్‌ సమావేశం అమెరికా, పశ్చిమ దేశాలకు డాలరు ఆధిపత్యం, ఏకపక్ష ఆంక్షలు, ప్రపంచ పాలనా వ్యవస్థల సంస్కరణ వంటి అంశాల్లో పరోక్ష హెచ్చరికలు చేసింది. అయితే ఉమ్మడి కరెన్సీ విషయంలో తక్షణ నిర్ణయం తీసుకోకుండా స్థానిక కరెన్సీల వాణిజ్యానికే ప్రాధాన్యత ఇచ్చింది. బ్రిక్స్‌ విస్తరణ, స్థానిక కరెన్సీల వినియోగం, బంగారం నిల్వల పెంపు, డాలరు వాటా తగ్గడం వంటి పరిణామాలు ప్రపంచ ఆర్థిక వ్యవస్థలో మార్పులను సూచిస్తున్నాయి. అదే సమయంలో అమెరికా మార్కెట్‌, డాలరు వ్యవస్థపై అనేక దేశాలకు ఉన్న ఆధారపడటం వల్ల ఈ మార్పు ఒక్కసారిగా జరగదు. బ్రిక్స్‌ పెరుగుతున్న ఆర్థిక, రాజకీయ ప్రాధాన్యతలో చైనా కేంద్రస్థానంలో ఉండటంతో, అమెరికా ఒత్తిడిలో ప్రధాన కేంద్రీకరణ చైనాపైనే కొనసాగుతుందనే అంశం ఢిల్లీ సమావేశం నేపథ్యంలో స్పష్టమవుతోంది.

పనిచేయని మోడినోమిక్స్, భారతీయ విజ్ఞానం, చంద్రబాబు, పవన్ కల్యాణ్ భజనలు వృధా – ప్రపంచ ఫ్యాక్టరీగా చైనా మరింత ముందుకు !

26 Wednesday Aug 2026

Posted by raomk in BJP, CHINA, Congress, Current Affairs, Economics, Europe, Germany, History, INDIA, INTERNATIONAL NEWS, Japan, Left politics, NATIONAL NEWS, Opinion, Political Parties, Politics, UK, USA, Ycp

≈ Leave a comment

Tags

chandababu, China World Factory, Countries manufacturing share, Donald trump, Narendra Modi Failures, Niti Aayog, pavan kalyan, World Bank, world Trade, Xi Jinping

ఎం.కోటేశ్వరరావు

ఎర్రకోటపై జాతీయ జెండాను ఎగరవేసిన సందర్భంగా ప్రధాని నరేంద్రమోడీ చేసిన ఉపన్యాసంలో మేడిన్ ఇండియా ( భారత తయారీ) వస్తువులు ప్రపంచంలో ప్రతి మూలకూ చేర్చటం లక్ష్యంగా ఉండాలని పిలుపునిచ్చారు. “ఉన్నమాట అన్నా వు ఎవ్వరు నేర్పిన మాటరా వేదంలా విలువైన మాట” అనే సినిమా పాటను గుర్తుచేశారు. పాడిందే పాడరా అన్నట్లుగా ఇలాంటి మాటలు ఎన్నిసార్లు చెబుతారు, దేశాన్ని ఎటువైపు తీసుకుపోతు న్నారన్నదే అసలైన సమస్య. ప్రధానిగా తొలి ఆగస్టు పదిహేను అంటే 2014 ప్రసంగంలో మేకిన్ ఇండియా(భారత్‌లో తయారీ) పిలుపునిచ్చారు. “రండి, భారత్‌లో తయారు చేయండి, ప్రపంచంలో వాటిని ఏ దేశంలోనైనా విక్రయిం చండి, కానీ వాటిని భారత్‌లోనే ఉత్పత్తి చేయాలి” అని విదేశీ పారిశ్రామిక, వాణిజ్యవేత్తలకు పిలుపునిచ్చారు. అదే ఏడాది సెప్టెంబరు 25న న్యూఢిల్లీ విజ్ఞాన్ భవన్‌లో ఆ కార్యక్రమాన్ని ప్రారంభించారు. ప్రతి ఏడాదీ ఏదో ఒక సందర్భంగా ఇలాంటి పిలుపులిస్తూనే ఉన్నారు. కనుచూపు మేరలో కూడా ఎక్కడా అలాంటి పరిస్థితి కనిపిం చటం లేదు, అయినా పదే పదే చెబుతున్నారంటే దాన్నే మనాలి? భారత తయారీ సప్తధారల్లో జరగాలని మోడీ చెప్పారు. చెప్పిన మాట చెప్పకుండా తన కార్యాలయం రాసిచ్చిన ఉపన్యాసాలను కొత్త కొత్త పదజాలంతో కాశీ మజిలీ కథల మాదిరి ఊకదంపుడుతో కొత్తవాటిని చెప్పటం తప్ప అడుగు ముందుకు పడటం లేదు. డ్రోన్ వ్యవస్థలను మనం అభివద్ధి చేయాలని, హైపర్‌సోనిక్ రక్షణ సాంకేతిక రంగంలో ప్రపంచ నాయకత్వాన్ని చేపట్టాలని కూడా చెప్పారు. పన్నెండేండ్లుగా ఎవరు వద్దన్నారు.

ఇప్పటికే మనకంటే ఎంతో ముందున్న దేశాలు ఈ రంగాల్లో ఇంకా ముందుకు పోతాయి. అన్నీ ఉన్నా అల్లుడినోట్లో శని అన్నట్లు దేశాన్ని తయారు చేస్తున్నారంటే అతిశయోక్తి కాదు.
పోటీతత్వం లేకపోతే వర్తమానంలో ఏ దేశమూ పరుగులో నిలవలేదు. అందుకు అవసరమైనట్లుగా పని చేశామా లేదా అన్నదే ముఖ్యం. స్విడ్జర్లాండ్‌లోని లాసానే నగరంలో 1990లో ఐఎండి బిజినెస్ స్కూలు ఉంది. దాన్నొక ప్రతిష్టాత్మక సంస్థగా పరిగణిస్తున్నారు. ప్రతి ఏటా దేశాలను ఎంచుకొని పోటీతత్వ సూచికలను ప్రకటిస్తుంటుంది. తాజా 2026 నివేదిక ప్రకారం మన దేశం 44వ ర్యాంకులో ఉంటే చైనా పన్నెండవదిగా ఉంది. ప్రధాని చెబుతున్నట్లుగా 2047 నాటికి లేదా అంతకు ముందే మనదేశం చైనాను వెనక్కు నెట్టి ప్రపంచ ఫ్యాక్టరీగా మారుతుందా? మోడీ చెప్పినట్లు మన వస్తువులన్నీ ప్రపంచంలో అన్ని మూలలకు ఎగుమతి అవుతాయా? మాటలు కోటలు దాటటం తప్ప చేతలు గడపదాటటం లేదనే లోకోక్తి తెలిసిందే. ఇతర దేశాలతో పోటీ పడకపోవటానికి కాంగ్రెస్, నెహ్రూ, గాంధీ కారణమని కాషాయ దళాలు చెబుతుంటాయి.2014 నుంచి అధికారం లో ఉన్న మోడీ ఏం చేశారన్నదే ప్రశ్న. తొలిసారిగా ఎర్రకోటపై మోడీ జాతీయ జెండా ఎగురవేసినపుడు ఐఎండి నివేదిక ప్రకారం భారత్ 2013లో 40వదిగా, చైనా 21వ స్థానంలో ఉంది.

పైన చెప్పుకున్నట్లు తాజా సూచికల ప్రకారం 44-12 స్థానాల్లో ఉన్నాయి. ప్రపంచమంతటా తిరిగి యుపిఏ హయాంలో కోల్పోయిన దేశ ప్రతిష్టను తిరిగి తీసుకువచ్చా నని చెప్పిన తరువాత పరిస్థితి ఇది. చైనా ఎలా పెంచుకుందో, మనం ఎలా దిగజారామో దానికి కారకులు ఎవరో ఎవరిని అడిగినా చెబుతారు. ‘బుద్దులు భూములను ఏలుతుంటే రాతలు గాడిదలను కాస్తున్నాయనే’ లోకోక్తిని ఇక్కడ గుర్తు చేయకతప్పటం లేదు. మోడీ అధికారానికి వచ్చినపుడు కమ్యూనిస్టు చైనా నుంచి మనం 6,040 కోట్ల డాలర్ల మేర వస్తువులను దిగుమతి చేసుకున్నాం, 2026 మార్చినెల నాటికి 13,160 కోట్ల డాలర్లకు పెరిగాయి, ఇదే సమయంలో చైనాతో వాణిజ్యలోటు 3,600-4,000 కోట్ల మధ్య ఉన్నది 11,200 కోట్లకు పెరిగింది. వర్తమాన సంవత్సరంలో దిగుమతులు, వాణిజ్యలోటు మరింతగా పెరగనున్నట్లు చెబుతున్నారు. బీజేపీ నేతలు చైనా నుంచి మనం సెల్‌ఫోన్ల దిగుమతులను తగ్గించాం చూశారా మోడీ ఘనత అంటూ అడ్డుసవాళ్లు విసురుతారు. ఎలక్ట్రానిక్స్ రంగం లో పెద్ద మొత్తంలో కేంద్ర ప్రభుత్వం రాయితీ లిస్తున్నది గనుక అనేక కంపెనీలు మనదేశం లోనే ఫోన్లు తయారు చేస్తున్నందున దిగుమతు లు తగ్గినమాట నిజం, కానీ మొత్తంగా దిగుమతులు ఎందుకు పెరుగుతున్నట్లు ? మన వాణిజ్యలోటు పెరగటం అంటే ఏటా మనం చైనాకు అప్పనంగా అంత మొత్తాలను చెల్లిస్తున్నాం. ఎందుకీ పరిస్థితి ?

ప్రపంచ సరఫరా గొలుసులో మనం కూడా ఒక భాగంగా ఉండాలని, వస్తువులను ఎగుమతి చేయాలని నిటి ఆయోగ్ నివేదికలు ఎప్పటికపుడు చెబుతూనే ఉన్నాయి. ఇదిగో ఫలానా రంగంలో అవకాశం ఉందని గుర్తు చేస్తున్నాయి. స్వాతంత్య్రం వచ్చి వంద సంవత్సరాలు పూర్తి చేసుకొనే 2047 నాటికి లక్ష్యాలను చేరాలంటే మొత్తం 62 అంశాల జాబితాను రూపొందించి వాటిలో 12 రంగాలను గుర్తించినట్లు తాజా నివేదిక వెల్లడించింది. ఇన్నేండ్ల నుంచి ఎందుకు విఫలమ య్యామనే అంశాన్ని మోడీ ఎప్పుడైనా చెప్పారా? ఈ రంగాల్లోకి అత్యధికంగా ప్రయివేటు పెట్టు బడులు వస్తేనే లక్ష్యాన్ని సాధించగలమని నిటిఆయోగ్ ఉపాధ్యక్షుడు అశోక్ కుమార్ లాహిరి చెప్పారు. మోడీ అధికారానికి వచ్చినపుడు 2014లో జీడీపీలో 25-26 శాతం ప్రయివేటురంగ పెట్టు బడులు ఉండేవి, ఇటీవల 22 శాతానికి తగ్గాయి, అదీ కార్పొరేట్ పన్ను తగ్గింపు, ఇతర రాయితీలిచ్చినప్పటికీ పెరగకపోగా తగ్గాయి. దేశంలో ఉన్న ప్రయివేటు రంగమే ముందుకు రాకపోతే విదేశీ ప్రత్యక్ష పెట్టుబడులు(ఎఫ్‌డిఐ) ఎలా వస్తాయి? 2047 నాటికి దేశ జీడీపీని 30లక్షల కోట్లకు చేరుస్తామని చెబుతున్నారు. అందుకు గాను వచ్చే 20ఏండ్లు ఏటా పదిశాతంపైగా వాస్తవ వృద్ధి రేటు ఉండాలని ఆర్థికవేత్తలు చెబు తున్నారు. దానికి ప్రాతిపదిక ఉందా? అలా జరిగితే ఇలా జరిగితే లక్ష్యాలను సాధించటం కష్టమేమీ కాదని చెప్పేవారు కోకొల్లలు… తనదిగాకపోతే కాశీ వరకు తాటిపట్ట మీద దేకవచ్చాన్నడట వెనుకటికి ఎవడో.

ప్రపంచ బ్యాంకు తాజా సమాచారం ప్రకారం ప్రపంచ పారిశ్రామిక ఉత్పత్తిలో చైనా వాటా 28శాతం కాగా మనం ప్రపంచంలో ఐదవ ఆర్థిక వ్యవస్థ అని చెప్పుకుంటున్నప్పటికీ మన వాటా మూడు శాతం దగ్గరే ఉంది. 2004లో చైనా వాటా పదిశాతం లోపుగానే ఉంది. విలువలో 625 బిలియన్ డాలర్ల నుంచి ప్రస్తుతం 4.66లక్షల కోట్ల డాలర్లకు చేరింది. ఇక అమెరికా విషయానికి వస్తే ఇదే కాలలో 22శాతం నుంచి 17కు, ఐరోపా ప్రాంత వాటా తగ్గి 15శాతానికి పరిమితం కాగా జపాన్ ఐదుశాతం కలిగి ఉంది.ఇదే సమయంలో మన వాటా 1.6-1.8శాతం మధ్య ఉంది, అది 2014నాటికి రెండు శాతానికి చేరింది. మోడీ ఏలుబడిలో ఇప్పటివరకు మూడుశాతానికి పెరిగింది. అమెరికా, జపాన్, జర్మనీ మూడింటి కంటే ఎక్కువగా చైనా ఉత్పత్తి ఉంది. ఆశలు, ఊహలు, అడుక్కొనే విషయాల్లో పిసినారితనం ఉండకూ డదంటారు పెద్దలు.ఇలాంటి స్థితిలో ప్రపంచ కేంద్రంగా మనదేశాన్ని మారుస్తానని, మోడీ, ఆయన భజన బృందం లోని ఆకాశానికి నిచ్చెనలు వేసే చంద్రబాబు వంటి వారు చెబితే నమ్మేదెలా ? పెద్ద మొత్తంలో రాయితీలు ఇస్తే కొన్ని రంగాల్లో పురోగతి ఉండవచ్చు కానీ మా ఊర్లో మిరియాలు తాటికాయలంత అంటే జనం చెవుల్లో పూలు పెట్టటమే. కరోనా సమయంలో చైనాలోని కంపెనీలన్ని అక్కడి నుంచి దుకాణాలు ఎత్తేసి భారత్‌కు వస్తున్నట్లు చెప్పిన వారు ఇప్పుడు ఎక్కడా చప్పుడు చేయటం లేదు. ఉత్పాదక రంగంలో స్వయం సమృద్ధి సాధిస్తే దిగుమతులపై ఆధార పడాల్సిన పనిలేదు, ఉద్యోగ సృష్టి జరుగుతుంది.

అమెరికా అంత అగ్రరాజ్యమే మా దేశంలో పెట్టుబడులు పెడతారా లేక మీ సంగతి చూడమంటారా అని బెదిరింపులకు దిగటం వెనుక పరమార్ధం ఇదే. చైనా ఇప్పుడు విలువ ఆధారిత ఉత్పత్తుల మీద కేంద్రీకరిస్తోంది, అది కేంద్రీకరణ తగ్గించిన రంగాల్లో మనం బలపడవచ్చని నిటి ఆయోగ్ నిపుణులు చెబుతున్నారు. ప్రపంచ పారిశ్రామిక ఉత్పత్తిలో చైనా వాటా 2000 సంవత్సరంలో ఆరుశాతమే, 2030 నాటికి 45శాతానికి పెరుగుతుందని అంచనా వేస్తున్నారు. రెండవ ప్రపంచ యుద్ధం ముగిసిన తరువాత అమెరికా తదితర ధనిక దేశాలు 1948లో సోవియట్ యూనియన్, చైనా లేకుండా 23 స్థాపక దేశాలతో జనరల్ అగ్రిమెంట్ ఆన్ టారిఫ్ అండ్ ట్రేడ్(గాట్-పన్నులు మరియు వాణిజ్యంపై సాధారణ ఒప్పందం) జరిగింది. దీనిలో భారత్, పాకిస్తాన్ ఉన్నాయి. అది 1995లో ప్రపంచ వాణిజ్య సంస్థగా మారింది. అయినప్పటికీ 2001 వరకు చైనాను దానిలో చేరకుండా అడ్డుకున్నారు.అది ప్రపంచ ఫ్యాక్టరీగా మారుతూ చౌకగా అనేక ఉత్పత్తులను అందచేస్తున్న క్రమంలో తమ ప్రయోజనాల కోసం అడ్డుకున్నదేశాలే సభ్యత్వం ఇవ్వక తప్పలేదు. ఆ తరువాత బీజింగ్ వెనుదిరిగి చూడలేదు, ఎగుమతుల అవకాశాలు మరింతగా పెరిగాయి. నవీకరణతో పాటు విదేశీ ప్రత్యక్ష పెట్టుబడులూ వచ్చాయి. మేడిన్ చైనా 2025 వంటి లక్ష్యాలు, అందుకు అవసరమైన విధానాలతో ముందుకు పోవటమే గాక అవసరమైన కార్మికశక్తి నైపుణ్యాల ను కూడా పెంచింది.

రవాణా సదుపాయాల మెరుగుదలకు విస్తరించిన రోడ్లు,రైలు, బుల్లెట్ రైళ్లను చూసి అవసరం లేకున్నా నిర్మించిందని విమర్శించిన వారే ఇప్పుడు ఔరా ఎంత ముందు చూపుతో చేశారని ముక్కున వేలేసుకుంటు న్నారు. నిజానికి మౌలిక సదుపాయాల మీద ప్రభుత్వ పెట్టుబడులు తద్వారా పెద్ద ఎత్తున ఉపాధి కల్పించటంతో స్థానికంగా కొనుగోలు శక్తికూడా పెరిగింది. తక్కువ ఖర్చులో ఏర్పాటు చేసిన మౌలిక సదుపాయాలు నేడు ఎంతో లాభసాటిగా మారాయి.2010 నుంచి పారిశ్రామిక ఉత్పత్తికి దోహదం చేయటంలో చైనా ప్రధమ స్థానంలో కొనసాగు తోంది. గతంలో సామ్రాజ్యవాదులు ప్రపంచాన్ని ఆక్రమించాల ని చూశారు. ఇప్పుడది సాధ్యం కాదు గనుక మార్కెట్లను కబళించేందుకు పూనుకున్నారు. వారికి చైనా కొరకరాని కొయ్యగా మారింది. అసలు ఏడుపు ఏమంటే ఇప్పటి వరకు ప్రపంచ ఫ్యాక్టరీగా ఉన్న చైనా రానున్న రోజుల్లో సరఫరా కేంద్రంగా కూడా మారనున్నదని దోపిడీదార్లు భయ పడుతున్నారు. జపాన్ సుజుకీ కంపెనీ మనదేశం లో మారుతీ కార్లకు కీలక విడి భాగాలను అందిస్తున్నట్లే చైనా అను సరిస్తున్నది. దుస్తుల రంగంలో 2023 వివ రాలను చూసిన పుడు చైనా ముడిసరకు ఎగుమతులు 16, ఇంటర్‌మీడియెట్ ఉత్పత్తులు 21,పాక్షికంగా తయారైనవి 47, పూర్తిగా తయారైనవి 30శాతం ఉన్నాయి. వినియోగదారుల ఎలక్ట్రానిక్స్, సౌరశక్తి పలకల్లో పూర్తిగా తయారైనవి 54శాతం చొప్పున ఉన్నాయి.

విద్యుత్ వాహనాల లో 51శాతం పాక్షికంగా తయారైన వస్తువులను ఎగుమతి చేస్తున్నది. ఇవన్నీ గిరాకీ మీద ఆధారపడి ఉన్నాయి.అనేక దేశాలు చైనా నుంచి విడి భాగాలను తెచ్చుకొని వాటితో పూర్తి వస్తువులను తయారు చేస్తున్నారు. అది లాభసాటిగా ఉన్నంత కాలం సాగుతుంది.చైనా లావాదేవీలన్నీ ప్రపంచ వాణిజ్య సంస్థ నిబంధనల మేరకే జరుగుతున్నందున అమెరికా, మరికొన్ని దేశాలకు కడుపు మంటగా ఉంది. ప్రపంచీకరణ పేరుతో మార్కెట్లను కబళించేందుకు చూసిన శక్తులు నేడు అది విఫలమైందని, చైనా తొండి ఆట ఆడుతున్నదని అంటూ పూర్వపు రక్షణాత్మక విధానాలవైపు మళ్లుతున్నారు.పురాతన కాలంలో వివిధ దేశాల మధ్య వస్తు వ్యాపారం ఉన్నట్లు చరిత్రలో నమోదైంది. అయితే వర్తమానంలో ఎగుమతులు-దిగుమతుల క్రమం 1870లో ప్రారంభమైందని చెబుతు న్నారు. పారిశ్రామిక విప్లవం తరువాత వస్తూత్పత్తి ఇబ్బడి ముబ్బడిగా పెరగటంతో ఇది జరిగింది.

బ్రిటన్ ఎగుమతుల్లో ప్రధమ స్థానంలో ఉంది, ఒక దశలో అది ఎగుమతి చేసిన వాటిలో 42శాతం భారత ఉత్పత్తులు ఆక్రమించాయి.బ్రిటన్ తరువాత రెండవ స్థానంలో జర్మనీ హవా నడిచింది. రెండవ ప్రపంచ యుద్ధం తరువాత అమెరికా ముందుకు వచ్చింది .1980,90దశకాల్లో జపాన్ ఎలక్ట్రానిక్స్‌తో ప్రపంచాన్ని నింపివేసింది. నూతన సహస్రాబ్ది ప్రారంభం నుంచి చైనా అగ్రస్థానానికి చేరింది.1948లో ప్రపంచ వస్తు ఎగుమతుల విలువ కేవలం 59 బిలియన్ డాలర్లు మాత్రమే ఉండగా 2025లో 26లక్షల కోట్ల డాలర్లు దాటింది.దానిలో చైనా వాటా ముందే చెప్పుకున్నట్లు 4లక్షల కోట్ల డాలర్లు దాటింది. నల్లమందు భాయీలని ప్రపంచం ఈసడించిన చైనీయులను పూర్తిగా మార్చి కమ్యూనిస్టు పార్టీ నాయకత్వంలో సాధించిన ఘనత ఇది! కాదంటారా !!

‘మక్కా రక్షణ ఒప్పందం’ వెనుక మతలబేమిటి?

12 Wednesday Aug 2026

Posted by raomk in Current Affairs, Economics, Europe, History, imperialism, International, INTERNATIONAL NEWS, Opinion, WAR

≈ Leave a comment

Tags

Donald trump, Islamic NATO, Mecca Joint Defence Agreement, pakistan, Saudi Arabia, Sunni NATO, Türkiye

కోటేశ్వరరావు

పెద్ద ఆర్భాటం, ముందస్తు హడావుడి లేకుండా సౌదీ అరేబియాలోని మక్కా నగరంలో ఆగస్టు ఏడున సౌదీ, టర్కీ, పాకిస్తాన్ దేశాల మధ్య ఒక రక్షణ ఒప్పందం కుదిరింది. దీన్ని ‘మక్కా ఒప్పందం’ అని కూడా పిలుస్తున్నారు. దీని పరిణామాలు, పర్యవసానాల గురించి ప్రపంచంలో చర్చ మొదలైంది. రక్షణ కోసం అమెరికాను ఆశ్రయిస్తే ప్రయోజనం లేదనే భావం తాజా పరిణామాలతో బలపడటంతో ఈ కొత్త కూటమి పురుడు పోసుకున్నట్లు తొలి స్పందనలొచ్చాయి. నమ్ముకున్న దేశాలను నట్టేట ముంచి స్వంత ప్రయోజనాల కోసం అమెరికా ఎంతకైనా తెగిస్తుందన్న విషయం తెలిసిందే. ఇజ్రాయిల్‌తో కలసి ఇరాన్‌పై దాడులు చేయించిన అధ్యక్షుడు డోనాల్డ్ ట్రంప్ అటు అమెరికా ఇటు యావత్ ప్రపంచంలో అపహాస్యం పాలైనా బుద్ది మారలేదు. అలాంటి వాడిని మన ప్రధాని నరేంద్రమోడీ వంటివారు ఇంకా జిగినీ దోస్తుగానే పరిగణిస్తున్నారు. రష్యా నుంచి ముడిచమురు కొనుగోలు చేస్తే మన వస్తువుల దిగుమతిపై వందశాతం అపరాధ సుంకాలు విధించేందుకు అమెరికా పార్లమెంటు ఎగువసభ సెనేట్ ఇప్పటికే తీర్మానించింది, ప్రజాప్రతినిధుల సభ కాంగ్రెస్ ఆమోదం పొందితే అమల్లోకి రానుంది. అయినా మోడీ నుంచి ఉలుకూపలుకూ లేదు.

అదేమిటంటే మౌనం కూడా ఒక దౌత్యమే, అది మోడీకే స్వంతం అని భజనపరులు కీర్తిస్తున్నారు. ఇరాన్ మీద తాము దాడులు చేసినపుడు అనేకమంది మరణించారని, గాయపడ్డారని వారందరికీ ఇరాన్ ప్రభుత్వం నష్టపరిహారం చెల్లించాలని తాజాగా డోనాల్డ్ ట్రంప్ ప్రకటించాడు. దాడులతో తమకు కలిగిన నష్టానికి పరిహారం చెల్లించాలని టెహరాన్ పట్టుబడుతున్న పూర్వరంగంలో ట్రంప్ ఎదురుదాడికి దిగాడు. నవంబరు మూడవ తేదీన జరిగే పార్లమెంటు మధ్యంతర ఎన్నికల గడువు సమీపిస్తున్నది. ఓటర్లకు ఏం చెప్పాలో తెలియక, ఏం మాట్లాడితే పరువు మరింత దిగజారుతుందో అర్ధంగాక ఎరక్కపోయి ఇరుక్కు పోయినట్లుగా ట్రంప్ జుట్టుపీక్కుంటున్నాడంటే అతిశయోక్తి కాదు. గాజాలో శాంతి ఒప్పందానికి తాము సిద్ధంగా ఉన్నామని, అమెరికా ప్రతిపాదించిన పదిహేను అంశాలను అమలు చేస్తామని, అక్కడ అధికారంలో ఉన్న హమాస్ సాయుధశక్తి చెబుతుండగా… అంగీకరించేది లేదని, గాజా నుంచి వైదొలగబోమని ఇజ్రాయిల్‌ ప్రధాని బెంజమిన్ నెతన్యాహు ప్రకటించాడు. ఎందుకంటే అక్టోబరు 27న ఇజ్రాయిల్‌ పార్లమెంటు ఎన్నికలు జరగనున్నాయి. ఆ ఎన్నికలు స్వే‌చ్ఛగా జరుగుతాయా లేదా అన్న సందేహాలు తలెత్తాయి. నెతన్యాహు అనుకూల మూకలు ఓటర్లను బెదిరిస్తున్నాయి.

ఓటర్లుగా ఉన్న పాలస్తీనియన్లను ఓటింగ్‌కు రాకుండా అని ప్రయత్నాలూ చేస్తున్నాయి. విదేశాల్లో ఉన్నవారు వచ్చి నెతన్యాహుకు వ్యతిరేకంగా ఓటు వేస్తారనే భయంతో ముందు, ఓటింగ్ రోజు అనేక విమానాలను కూడా రద్దు చేశారు. యూదు దురహంకారులను సంతుష్టీకరిం చేందుకు ఆక్రమిత వెస్ట్ బ్యాంకు ప్రాంతంలో పాలస్తీనియన్లపై దాడులను ఉధృతం చేశారు, వామపక్షాలను పోటీలో లేకుండా చేసేందుకు కూడా చూస్తున్నారు. ఈ పరిణామాలు ఇలా ఉండగా టర్కీ, సౌదీ అరేబియా, పాకిస్తాన్ దేశాల ప్రతినిధులు మక్కా సంయుక్త రక్షణ ఒప్పందం చేసుకున్నట్లు ప్రకటించారు. మూడింటిలో ఏ ఒక్కదేశం మీదైనా ఎవరైనా దాడిచేస్తే అందరి మీద చేసినట్లుగా పరిగణించాలని నిర్ణయించినట్లు పేర్కొన్నారు. ఈ కూటమిని “ముస్లిం నాటో-సున్నీ నాటో” అని కొందరు వర్ణించారు. మూడూ ఇస్లామిక్ దేశాలు కావటం, మతరీత్యా ఆ దేశాల్లో సున్నీలు అత్యధికులుగా ఉన్నందున అలా చెప్పారు. ఈ ఒప్పందం ఎవరికీ వ్యతిరేకం కాదని చెప్పినప్పటికీ రకరకాల వ్యాఖ్యానాలు వెలువడుతున్నాయి. దీనివలన ఎలాంటి ఫలితం ఉండదని చెబుతున్నవారూ లేకపోలేదు. దీర్ఘకాలం సాగుతున్న విబేధాలు, ప్రాంతీయ యుద్ధాల పూర్వరంగంలో అమెరికా రక్షణను నమ్ముకోకూడదన్నది ఒక ప్రధాన అంశంగా చెబుతున్నారు.

తాజా పశ్చిమాసియా సంక్షోభంలో గల్ఫ్, మధ్య ప్రాచ్య ప్రాంతంలోని అమెరికా సైనిక కేంద్రాలపై ఇరాన్ చేస్తున్న దాడులతో ఆయా దేశాల్లో తలెత్తిన ఆందోళన, అనిశ్చితి వాషింగ్టన్‌ను నమ్ముకుంటే ఇంతే సంగతులు అనే భయం పట్టుకుంది. దీంతో యుద్ధాన్ని నిలిపివేయాలని ఆ దేశాలు ట్రంప్ యంత్రాంగం మీద వత్తిడి తెస్తున్న సంగతి కూడా తెలిసిందే. అత్యాధునిక ఆయుధాలున్న అమెరికా దాడుల్లో ట్రంప్ చెప్పినట్లుగా ఇరాన్ అనేక విధాలుగా దెబ్బతిన్నది వాస్తవమే అయినప్పటికీ వాటన్నింటినీ అధిగమించి ప్రతిదాడులు చేయటం వెనుక ఉన్న మర్మం పండితులకు అంతుబట్టటం లేదు. తిరుగులేని నిఘా వ్యవస్థలుగా పేరున్న ఇజ్రాయిల్‌ మొసాద్, అమెరికా సిఐఏకు సైతం ఇరాన్ ఆయుధాలు, వాటిని ప్రయోగిస్తున్న కేంద్రాలు ఎక్క‌డున్నాయో తెలియటం లేదు. గతేడాది అణుకేంద్రాలను ధ్వంసం చేసినట్లు ప్రకటించినా అదంతా ఉత్త ప్రచారమే అని తరువాత తేలిపోయింది. అందుకే ప్రాంతీయ ఏర్పాట్లు చేసుకోవాలనే ఆలోచనకు మక్కా ఒప్పందం ఒక ప్రతిరూపం అంటున్నారు. దీనిలో వెంటనే ఈజిప్టు చేరనుందని, తరువాత మరికొన్ని దేశాలు కూడా భాగస్వాములుగా చేరవచ్చని చెబుతున్నారు. దీని ఏర్పాటు వెనుక అమెరికా హస్తం ఉందని కూడా అను మానాలు వెల్లడవుతున్నాయి.తమ చేతికి మట్టి అంటకుండా ఇరాన్‌‌ను దెబ్బతీసేందుకు మరో ప్రయత్నంగా ఇది ఉన్నట్లు చెబుతున్నారు.

అది నిజమా కాదా అన్నది వెంటనే చెప్పలేము గానీ ఏం జరిగినా పోయేది అమెరికా ప్రతిష్ట, పెత్తనం అన్నది స్పష్టం. అమెరికా మీద అనేక దేశాలకు ఎందుకు విశ్వాసం సన్నగిల్లుతున్నది? ఇరాన్ అణుబాంబు తయారీ, క్షిపణి, నౌకాదళ సామర్ధ్యాలను దెబ్బతీసేందుకు ఇజ్రాయిల్‌తో కలసి దాడులు చేస్తున్నట్లు తొలుత అమెరికా చెప్పింది. వాటన్నింటినీ నాశనం చేసినట్లు ఏప్రిల్ ఎనిమిది పెంటగన్ ప్రకటించింది. వైమానిక రక్షణ వ్యవస్థలను సంవత్సరాల తరబడి పనికిరాకుండా చేయటంతో పాటు మిలిటరీ పారిశ్రామిక సామర్ద్యాన్ని కూడా దెబ్బతీసినట్లు చెప్పింది. ఇన్ని కబుర్ల తరువాత వెల్లడైన వివరాల మేరకు అమెరికా 113 బిలియన్ డాలర్ల మేర ఆర్థికంగా నష్టపోయింది. దాని విలువైన 42 విమానాలు కూడా కూలిపోయాయి. మరణించిన లేదా గాయపడిన అమెరికా సైనికుల సంఖ్య తొమ్మిది వందలు దాటింది. ఆ ప్రాంతంలో యాభై వేల మంది తమ సైనికులు ఉన్నట్లు వెల్లడించటమే గాక ఆ తరువాత కూడా దాడులు కొనసాగించింది. ఫిబ్రవరి 28కి కొన్ని వారాల ముందు కతార్‌లో బహుళజాతి గగనతల, క్షిపణి రక్షణ విభాగాన్ని అమెరికా సెంట్రల్ కమాండ్ ప్రారంభించింది. దాని ద్వారా ముప్పు గురించి ముందే హెచ్చరించటం, ఎదుర్కొనేందుకు తాత్కాలిక పథకాల రచన, సమాచార అందచేత వంటి కార్యకలాపాలు జరుగుతాయని చెప్పారు.

ఏడు దేశాల మిలిటరీ ప్రతినిధులు దానిలో భాగస్వాములన్నారు. తీరాచూస్తే ఇరాన్ చేసిన దాడులతో అది పనికిరాకుండా పోయింది. అమెరికా మరోచోటుకు తన కమాండ్ కేంద్రాన్ని మార్చుకుంది. నిజానికి కతార్‌లో అంతకుముందున్న కమాండ్ కేంద్రం నుంచి ఆఫ్ఘనిస్తాన్, ఇరాక్, సిరియా ఇతర దేశాలలో అమెరికా అనేక కార్యకలాపాలు నిర్వహించింది. ఇరాన్ దాడులతో ఆ ప్రాంతంలోని 15 అమెరికా మిలిటరీ కేంద్రాలలో కనీసం 228 మిలిటరీ నిర్మాణాలు, వాటిలో ఉన్న విమానాలు, రాడార్, సమాచార పరికరాలు, చమురు సంబంధిత ఏర్పాట్లు దెబ్బతిన్నట్లు ఉపగ్రహ చిత్రాలు వెల్లడించాయి. ఎంతో ఖరీదైన పేట్రియాట్, థాడ్, తోమహాక్ రక్షణ వ్యవస్థలన్నీ ఇరాన్ దెబ్బతో కరిగిపోయాయి. చివరకు దక్షిణ కొరియాలో ఉంచిన వాటిని కూడా పశ్చిమాసియాకు తరలించాల్సి వచ్చింది. వెంటనే అలాంటి వాటిని ఉత్పత్తి చేయాలని రక్షణ కాంట్రాక్టర్లను పెంటగన్ కోరిందని, వెంటనే సరఫరా చేయటం సాధ్యం కాదని వారు చేతులు ఎత్తివేసినట్లు వార్తలొచ్చాయి. కొన్నేండ్ల పాటు ఉత్పత్తికి సమయం తీసుకోవచ్చని కూడా నిపుణులు చెప్పారు. వీటన్నింటిని చూసిన తరువాత అమెరికాను నమ్ముకొని ఏ దేశమైనా నిశ్చింతగా ఉండగలదా? నాటో కూటమిలో సభ్య దేశమైన టర్కీ రెండవ పెద్ద మిలిటరీని కలిగి ఉంది.

గల్ఫ్‌లో చమురుతో సౌదీ అరేబియా ఆపార సంపద, పాకిస్తాన్ వద్ద ఉన్న అణ్వాయుధాలు ఈ మూడూ కలిస్తే ఒక బలమైన శక్తిగా రూపొందే అవకాశం ఉందనే ఆలోచన మక్కా ఒప్పందం వెనుక ఉందన్నది ఒక అభిప్రాయం. రానున్న రోజుల్లో మరికొన్ని దేశాలు కూడా చేరవచ్చు. అయితే నాటో కూటమి లక్షణాలు దీనికి ఉన్నాయా అంటే లేవు. అందుకే కొందరు ఇది సంతకాలకే పరిమితం అంటున్నారు. నాటో మాదిరి ఒక ఏకీకృత మిలిటరీ కమాండ్, ఒక ప్రణాళిక, నిర్దిష్ట లక్ష్యం లేదు. తక్షణమే అలాంటి వాటిని ఏర్పాటు చేసే అవకాశాలూ కనిపించటం లేదు. ఐక్యరాజ్యసమితి ఆర్టికల్ 51 ప్రకారం ఉమ్మడి ఆత్మరక్షణ ఒప్పందంగా టర్కీ వర్ణించింది. గతేడాది సౌదీ అరేబియా-పాకిస్తాన్ మధ్య ఒక రక్షణ ఒప్పందం కుదిరింది. దానిలో చేరే అవకాశం గురించి చర్చిస్తున్నట్లు టర్కీ విదేశాంగ మంత్రి హకన్ ఫిదాన్ జనవరి 29న చెప్పాడు. రక్షణ అవసరాల కోసం వెలుపలి దేశాల మీద ఆధారపడుతూ కొనసాగటం కంటే ప్రాంతీయ ఏర్పాట్లు చేసుకోవటం మంచిదన్నదే దీని వెనుక ఉన్న ఉద్దేశ్యం. ప్రపంచ మిలిటరీ బలా బలాలను చూసినపుడు టర్కీ 9, పాకిస్తాన్ 14, సౌదీ 25వ స్థానాల్లో ఉన్నాయి. పందొమ్మిద వదిగా ఉన్న ఈజిప్టు కూడా కలిసే అవకాశం ఉంది. ఈ మూడు దేశాలూ భిన్నదారుల్లో ప్రయాణిస్తున్నాయి.

అష్ట దరిద్రాలతో అల్లాడుతున్నప్పటికీ పాకిస్తాన్ అణుబాంబు లను తయారు చేసుకుంది తప్ప అన్న వస్త్రాలను జనాలకు సమకూర్చలేకపోతోంది. కీలకమైన ప్రాంతంలో ఉన్నందున భారత్, చైనాలకు వ్యతిరేకంగా ఒక స్థావరంగా ఉపయోగపడ నుందనే కుట్రలో భాగంగా అమెరికా, ఇతర పశ్చిమదేశాలు దానికి అండగా ఉన్నాయి. ఇప్పుడు దాని ఆర్థిక ఇబ్బందులను సౌదీ తీరుస్తున్నది. పాకిస్తాన్ తన మిలిటరీ అవసరాల కోసం అత్యధికంగా చైనా మీద ఆధారపడుతున్నది. టర్కీ స్వంత మిలిటరీ పరిశ్రమలను కలిగి ఉంది. సౌదీ విషయానికి వస్తే అది పూర్తిగా అమెరికా మిలిటరీ ఉత్పత్తులపై ఆధార పడుతున్నది. ఐరోపా కేంద్రంగా పనిచేసే నాటో దేశాలు కొన్ని స్వయంగా ఆయుధాలను ఉత్పత్తి చేస్తుండగా మరికొన్ని అమెరికా నుంచి కొనుగోలు చేస్తున్నాయి. నాటో రక్షణ బడ్జెట్ పెంచాలని ఇటీవలి కాలంలో అమెరికా వత్తిడి తెస్తున్నది. ఇస్లామిక్ నాటోగా వర్ణితమౌతున్న కూటమిలో రక్షణ బడ్జెట్‌ను పెంచేందుకు పాకిస్తాన్‌కు అవకాశం లేదు. ఒక వైపు నాటోలో కొనసాగుతూ మరోవైపు మక్కా కూటమిలో చేరిన టర్కీ ఎంతమేరకు బడ్జెట్ కేటాయిస్తుందన్నది అనుమానమే.ఈ కూటమి ఇంకా ప్రాథమిక దశలోనే ఉన్నందున మన దేశం పెద్దగా స్పందించలేదు, వేచి చూస్తున్నట్లు మాత్రమే ముక్తసరిగా వ్యాఖ్యానించింది.

సోషలిజం దిశగా అమెరికన్ యువత, కార్మికవర్గం !

05 Wednesday Aug 2026

Posted by raomk in CHINA, Current Affairs, History, International, INTERNATIONAL NEWS, Left politics, Opinion, USA

≈ Leave a comment

Tags

Anti communist, Democratic party, Democratic Socialists of America, Donald trump, Leftist Zohran Mamdani, US 2026 elections

ఎం కోటేశ్వరరావు

“ దేశభక్తి యుతంగా పెట్టుబడిదారీ విధానం పని చేస్తున్నదని సగం మంది కంటే తక్కువ మంది అమెరికన్లు అనుకుంటున్నారు, ప్రజాస్వామ్యానికి మద్దతు పడిపోయింది ” న్యూయార్క్ పోస్ట్.“ హౌస్ ప్రైమరీస్ (పార్లమెంటు ప్రజాప్రతినిధుల సభ కాంగ్రెస్ అభ్యర్ధిత్వం కోసం పార్టీలో జరిగే పోటీ)లో ఆకస్మికంగా డెమోక్రటిక్ సోషలిస్టులు ఎందుకు దూసుకుపోతున్నారు ” న్యూస్ వీక్. “ అంకెలు అబద్దాలు చెప్పవు. యువ అమెరికన్లు సోషలిజం ప్రేమలో పడుతున్నారు ” ఫాక్స్ న్యూస్. “ సోషలిజానికి పెరుగుతున్న యువత మద్దతు తొలి రోజుల అమెరికా పాఠాలను గుర్తుకు తెస్తున్నది ” కరోలినా జర్నల్. “ అమెరికాలో పెట్టుబడిదారీ విధానపు ప్రతిష్ట 54శాతానికి పడిపోయింది ” గాలప్ న్యూస్. “ యువ అమెరికన్లు సోషలిజాన్ని మరీ అతిగా అభిమానిస్తున్నారు.స్వేచ్చా వాదులు విధిగా అడ్డుకోవాల్సిన సమస్య ఇది” కాటో ఇనిస్టిట్యూట్. “ ముఫ్పైతొమ్మిది శాతం మంది అమెరికన్లు సోషలిజాన్ని ఆమోదిస్తున్నారన్న స్కాట్ బెసెంట్. వారు స్టాక్ మార్కెట్‌లో పెట్టుబడులు పెట్టలేదు ” ఫార్చ్యూన్.పైన పేర్కొన్నవి అమెరికన్ మీడియాలో గత ఏడాది కాలంలో, ఇటీవల వచ్చిన కొన్ని వార్తా వ్యాఖ్యల శీర్షికలు. అక్కడి సమాజంలో వస్తున్న ఆలోచనా ధోరణులను ఇవి ప్రతిబింబిస్తున్నాయి. వీటిని చూసి డోనాల్డ్ ట్రంప్ వంటి నయా ఫాసిస్టులు తమ ఆందోళన, అక్కసులను బహిరంగంగానే వెళ్లగక్కుతున్నారు. దీన్ని బట్టి వెంటనే అమెరికాలో సోషలిస్టు వ్యవస్థ ఏర్పాటు కానుందని ఎవరూ నిర్దారణకు రానవసరం లేదు.అక్కడి పాలకవర్గం అంత తేలికగా తన అధికారాన్ని వదులుకోదు.

గత గురువారం నాడు వాషింగ్టన్ పోస్టు పత్రిక ఐసోస్ వెల్లడించిన సర్వే వివరాల ప్రకారం వచ్చే అధ్యక్ష ఎన్నికల్లో సోషలిస్టు అభ్యర్ధి రంగంలో ఉంటే ఓటు వేయటం గురించి ఆలోచిస్తామని నమోదైన ఓటర్లలో 40శాతం మంది అభిప్రాయపడ్డారు. ఇలాంటి వారు మÖడు పదుల వయస్సులోపు వారు 46శాతం మంది, డెమోక్రటిక్ పార్టీ మద్దతుదార్లలో 64శాతం ఉన్నట్లు కూడా సర్వే పేర్కొన్నది. ఈ పత్రిక అమెజాన్ కంపెనీ అధిపతి జెఫ్ బెజోస్ యాజమాన్యంలో నడుస్తున్నది. అలాంటి కార్పొరేట్ల పత్రిక ఎవరి ప్రయోజనాల కోసం పని చేస్తుందో తెలిసిందే. అయితే సర్వేలను తిమ్మిని బమ్మిని చేస్తే కుదరదు గనుక ఇష్టం ఉన్నా లేకున్నా వివరాలను వెల్లడించకతప్పటం లేదు. అయితే ఈ సర్వే వార్తలోనే ఎక్కువ మంది అమెరికన్లు డెమోక్రటిక్ సోషలిస్టు పార్టీ(డిఎస్‌పి) అభ్యర్ధికి మద్దతు ఇవ్వటం లేదని కూడా రాసింది. సిఎనఎన్ మీడియా సంస్థ కోసం ఎసఎసఆరఎస్ అనే సంస్థ నిర్వహించిన సర్వేలో డెమోక్రాట్లు, ప్రజాస్వామిక భావాలకు మద్దతు ఇచ్చే వారిలో మÖడో వంతు మంది తాము డెమోక్రటిక్ సోషలిస్టులమని చెప్పుకున్నారని,వారిలో 45 ఏండ్ల లోపువారు 59శాతం మంది ఉన్నట్లు తేలింది. మÖడింట రెండు వంతుల మంది నవంబరు మÖడున జరిగే ఎన్నికల్లో కచ్చితంగా ఓటు వేస్తామని కూడా చెప్పారు. డెమోక్రటిక్ పార్టీలో తెల్లవారితో పోల్చితే ఆఫ్రోఅమెరికన్లు బాహాటంగా తాము డెమోక్రటిక్ సోషలిస్టుకే ఓటు వేస్తామని చెప్పారు. డెమోక్రటిక్ సోషలిస్టులుగా చెప్పుకున్న వారిలో 66 నుంచి 54శాతం మందికి డిగ్రీలు లేవు, వారి వార్షిక ఆదాయం 76 నుంచి 65శాతం మందికి లక్ష డాలర్ల లోపే ఉంది. దీన్ని మరో విధంగా చెప్పాలంటే మన దేశంలో చెప్పుకొనే బడుగు బలహీన వర్గాలు అమెరికాలో సోషలిజానికి అనుకూలంగా ఉన్నాయి. డెమోక్రటిక్ సోషలిస్టుల్లో 48శాతం మంది గాజాలో మారణకాండకు పాల్పడిన ఇజ్రాయెల్‌కు అమెరికా సాయం నిలిపివేయాలనే అభ్యర్ధికే మద్దతు ఇస్తామని చెప్పటం కూడా గమనించాల్సిన అంశం. అమెరికా సమాజం మొత్తంగానే ఇరాన్‌పై జరుపుతున్న యుద్దాన్ని వ్యతిరేకిస్తున్నారు. శ్వేత జాతీయుల్లో ఎగువ మధ్య తరగతి మాత్రమే సోషలిజానికి అనుకూలంగా ఉన్నట్లు మీడియాలో వచ్చే విశ్లేషణలు వాస్తవం కాదని కూడా సిఎనఎన్ సర్వే తేల్చింది. జీవిత అనుభవాల నుంచే జనాలు సోషలిజానికి మద్దతు ఇస్తారని ప్రపంచ వ్యాపితంగా వెల్లడైన సత్యం. దీనికి అమెరికన్లు మినహాయింపు ఎలా అవుతారు ! దోపిడీ స్వభావం కలిగిన పెట్టుబడిదారీ వ్యవస్థ వైఫల్యం ఎంత ఎక్కువగా కనిపిస్తే అంతగా ప్రత్యామ్నాయ విధానాలవైపు జనాలు చూస్తారు.

పార్లమెంటు మధ్యంతర ఎన్నికల్లో డెమోక్రటిక్ సోషలిస్టులకు పెరుగుతున్న మద్దతు గురించి ఆ పార్టీలోని మితవాదులు కూడా ఆందోళన చెందుతున్నారు. జూలై నెలలో న్యూయార్క్, కొలరాడోలో అభ్యర్ధిత్వాలకు డెమోక్రటిక్ పార్టీలో జరిగిన ఎన్నికల్లో నాలుగు ప్రజాప్రతినిధుల స్థానాల్లో డిఎస్‌పి మద్దతు ఉన్న అభ్యర్ధులే గెలిచారు. ప్రస్తుతం ప్రాతినిధ్యం వహిస్తున్న వారిని ఓడించారు. మిచిగాన్ రాష్ట్ర సెనెట్ స్థానానికి అబ్దుల్ ఎల్ సsTÖద్ అనే వామపక్షవాది పోటీ పడుతున్నాడు. డెమోక్రటిక్ సోషలిస్టులందరూ మద్దతు ఇస్తుండగా ఇజ్రాయెల్ అనుకూల వాది అయిన ప్రస్తుత డెమోక్రటిక్ పార్టీ సెనెటర్ హాలే స్టీవెన్స్‌కు ఆ రాష్ట్ర గవర్నర్,ఇతరులు ప్రచారం చేస్తున్నారు. విస్కాన్సిన్ రాష్ట్ర గవర్నర్ పదవికి డిఎస్‌పి అభ్యర్థి ముందంజలో ఉన్నారు. ఈ పరిణామాన్ని చూసిన తరువాత రిపబ్లికన్లు ఆందోళనపడుతున్నారు. ఉదారవాదులు కమÖ్యనిజం గురించి ఆలోచించకుండా చూడాలంటూ ఆ పార్టీకి చెందిన వారు ఒక సమావేశంలో కోరారు. ఒక కార్యాచరణ పథకాన్ని కూడా రూపొందించారు. జూలై 20వ తేదీన రూపొందించిన ఒక పత్రంలోని కొన్ని అంశాలు ఇలా ఉన్నాయి. “ సోషలిజం, మార్క్సిజం కంటే కమÖ్యనిజం మరింత ప్రమాదకరమని అమెరికన్లు ఇప్పటికీ భావిస్తున్నారు. ఈ మÖడు భావాలు తలెత్తటానికి ప్రస్తుత ప్రభుత్వ వ్యవస్థ యొక్క విషపూరిత చెట్టు ఫలాలే అవి గనుక, వారందరితో సంబంధాలు పెట్టుకొని వారిని దూరం చేయటం రిపబ్లికన్లకు ముఖ్యమైనది.” ఇటీవల సిఎన్‌బిసి చేసిన సర్వేలో డోనాల్డ్ నినాదమైన మాగా(అమెరికాను మరోసారి గొప్పదానిగా చేయాలి) కంటే డెమోక్రటిక్ సోషలిజం నినాదమే బహళ ఆదరణ కలిగి ఉందని తేలింది. డెమోక్రటిక్ సోషలిస్టు పార్టీ అభ్యర్ధులను చూపి భయపెట్టటాన్ని డెమోక్రటిక్ పార్టీ మానుకోవాలని కొందరు సలహా ఇచ్చారట. ఎందుకంటే ఎంతగా వ్యతిరేకిస్తే అంతగా ఆదరణ పొందుతున్నట్లు న్యూయార్క్ నగర మేయర్ ఎన్నికలో జోహ్రాన్ మందానీ విజయం వెల్లడించింది. ఆ ఎన్నికల్లో డెమోక్రటిక్ పార్టీ అభ్యర్ధులు కూడా రంగంలో ఉండి మందానిని ఓడించేందుకు చేసిన యత్నాలు ఫలించలేదు. మన దేశంలో కేంద్ర ప్రభుత్వం లేదా నరేంద్రమోడీ విధానాలను విమర్శించిన లేదా వ్యతిరేకించినవారినందరినీ దేశద్రోహులుగా, అర్బన్ నక్సల్స్, తుకడేతుకడే గ్యాంగ్ అని ముద్ర వేస్తున్న సంగతి తెలిసిందే. అమెరికాలో తనను వ్యతిరేకించేవారందరికీ డోనాల్డ్ ట్రంప్ “ కమÖ్యనిస్టు ” ముద్రవేస్తున్నాడు. ఇది నష్టదాయకమని రిపబ్లికన్ మేథావులు వాపోతున్నారు. ప్రతివారినీ కమÖ్యనిస్టులని ముద్రవేస్తే సభల్లో చప్పట్లు కొట్టవచ్చు, ఈలలు వేయవచ్చు, ఒకటి రెండు సార్లు మధ్యంతర ఎన్నికల్లో ఓట్లు కూడా పడవచ్చు గానీ పదే పదే ప్రతివారినీ కమÖ్యనిస్టు అంటే అవును అయితే ఏమిటి అని యువతరం ప్రశ్నించే పరిస్థితి రావచ్చని హెచ్చరిస్తున్నారు. నిజానికి గత కొద్ది సంవత్సరాలుగా అదే జరుగుతున్నది. పెట్టుబడిదారీ విధానం విఫలమైందని ఒకవైపు దాని సమర్ధకులే చెబుతుండగా మరోవైపు సోషలిస్టు చైనా సాధిస్తున్న అద్భుత విజయాలు, అమెరికాను సవాలు చేస్తున్న తీరును చూసి యువత సోషలిజం పట్ల సానుకూల వైఖరిని పెంచుకుంటున్నది. ట్రంప్ సర్కార్ కొన్ని స్వతంత్ర వాణిజ్య సంస్థలను ప్రభుత్వ ఆధీనంలోకి తెస్తున్నదని, కమÖ్యనిస్టులు అదే చేస్తారని గతంలో పెద్ద ఎత్తున ప్రచారం చేసినందున ఇప్పుడు ట్రంప్ చేస్తున్న చర్యలను “ మాగా మావోయిజం ” అని వర్ణిస్తున్నారని, కమÖ్యనిస్టులను భూతాలుగా చూపి భయపెట్టే క్రమంలో ఉదారవాదులకు సైతం అలాంటి ముద్రవేస్తూ ట్రంప్ నష్టం చేస్తున్నారని, ఎన్నికల ముందు తెలివైన అమెరికన్ ఓటర్లు వీటన్నింటినీ గుర్తు చేసుకుంటారని రిపబిక్లన్ మేథావులు హెచ్చరిస్తున్నారు.

ఇదే సమయంలో కాల చక్రాన్ని వెనక్కు తిప్పాలని చూస్తున్న పచ్చి మితవాద రిపబ్లికన్లు కూడా ఉన్నారు.1950 దశకంలో మాదిరి కమÖ్యనిస్టు వ్యతిరేకతను రెచ్చగొట్టటం తప్ప మరొక మార్గం లేదని భావిస్తున్నారు. వారి బుర్రలకు ఎక్కనిదేమంటే అప్పుడూ ఇప్పుడూ పరిస్థితి ఒకే విధంగా లేదు.నాడు సోషలిస్టు, కమÖ్యనిస్టు భావనలు యావత్ ప్రపంచాన్ని ఊపివేశాయి.ఇప్పుడు అలా లేదు. కమÖ్యనిజాన్ని అంతం చేశామని చెప్పుకున్నవారే ఇప్పుడు కమÖ్యనిస్టు బొమ్మ భూతాన్ని వీధుల్లోకి తీసుకువచ్చి గుండెలు బాదుకుంటూ భయాన్ని నటిస్త్తే జనాలు నవ్వుతారు తప్ప నమ్మరు.“ మాలాంటి తరం ప్రచ్చన్న యుద్దంలో కమÖ్యనిజం వ్యాప్తికి వ్యతిరేకంగా పోరాడి విజయం సాధించింది.ఇప్పుడు మన గడ్డ మీద కమÖ్యనిజం పునరాగమనంలో ఉంది.అమెరికా ఉనికికే ముప్పుగా మారింది” అని జూలై మÖడవ తేదీన మౌంట్ రష్‌మోర్ సభలో ట్రంప్ చెప్పాడు.“ వాషింగ్టన్ లేదా మాస్కో, ఏదో ఒకటే రాజధానిగా ఉండాలి. స్వచ్చమైన,శుద్దమైన, తాజా గాలివీచే స్వేచ్చాయుత అమెరికా వాతావరణమే ఉండాలి లేదా చెడువాసనలు వచ్చే కమÖ్యనిస్టు రష్యా అయినా ఉండాలి ” అంటూ న్యూయార్క్ మాజీ గవర్నర్ అల్ స్మిత్ 1936లో కమÖ్యనిస్టు ఉన్మాదిగా చెప్పాడు. ఇప్పుడు ట్రంప్ కూడా అలాంటి ఉపన్యాసాలే చేస్తున్నాడు. జూలై 21వ తేదీన అమెరికా విదేశాంగశాఖ “ క్యూబా : ఇరవై ఒకటవ శతాబ్దపు కమÖ్యనిజం రాజధాని ” అనే శీర్షికతో ఒక నివేదిక విడుదల చేసింది. దానిలో అనేక అవాకులు చవాకులు, వక్రీకరణల గురించి మనం బుర్రలు బద్దలు కొట్టుకోవాల్సిన పనిలేదు. దానిలో కమÖ్యనిజం కంటే అమెరికాలో డెమోక్రటిక్ సోషలిస్టు పార్టీ నేతలుగా ఉన్న జోహ్రాన్ మందానీ, జర్నలిస్టు ఆమీ గుడ్‌మాన్ వంటి ఎందరిమీదనో క్యూబా ప్రయాణీకులంటూ వక్రీకరణ దాడి చేశారు.

కమÖ్యనిజం వ్యతిరేకత అధికారిక మతం మాదిరి ఉన్న అమెరికాలో నిజంగానే యువత, కార్మికవర్గంలో సోషలిజం పట్ల, వామపక్ష భావజాలం వైపు మొగ్గటం అనేక మందికి మింగుడు పడటం లేదు. ప్రధాన స్రవంతి మీడియాలో గత కొన్ని దశాబ్దాలుగా చిలవలు పలవలుగా కమÖ్యనిస్టు, సోషలిస్టు వ్యతిరేక ప్రచారం తప్ప అనుకూల వ్యాఖ్యానాలు ఎక్కడా కనపడలేదు. అయినప్పటికీ అనుకున్నది ఒకటి అవుతున్నది ఒకటి అన్నట్లుగా ఎందుకిలా జరుగుతోందనే ఆలోచన వేధిస్తున్నది. మరోవైపు సోషలిజం భావజాలానికి జనం దూరమయ్యారని భావిస్తున్న అనేక మందికి ఎంతో ఊరట కలిగిస్తున్న పరిణామం. కొంత మంది డిఎస్‌పి నిజమైన సోషలిస్టు భావనలను ముందుకు తీసుకురావటం లేదని, సంస్కరణవాదంతో ఉందని విమర్శిస్తున్నారు. ఇక్కడ గమనించాల్సిన అంశం ఏమంటే అసలు సోషలిజమంటేనే ఆమడదూరం వెళ్లే వాతావరణం నుంచి సానుకూలతవైపు మళ్లటమే పెద్ద మార్పు. సంస్కరణ వాదం వరకు వచ్చిన వారు అది పని చేయదు అనుకుంటే శాస్త్రీయ సోషలిస్టు భావనకు మారటం తధ్యం, అయితే దానికి ఎంత కాలం పడుతుందన్నది ఎవరూ చెప్పలేరు. సోవియట్, తూర్పు ఐరోపా సోషలిస్టు వ్యవస్థలు కూలిపోయింతరువాత ఇలాంటి మార్పు వస్తుందని ఎవరైనా ఊహించారా ? ఏదైనా అంతే, పరిస్థితులే జనాలను ఎటువైపు నడింపించాలో నిర్దేశిస్తాయి !

ట్రంప్ ఉత్సాహాన్ని నీరుగార్చిన అమెరికా మిలిటరీ !

29 Wednesday Jul 2026

Posted by raomk in Current Affairs, Economics, History, imperialism, International, INTERNATIONAL NEWS, Opinion, USA, WAR

≈ Leave a comment

Tags

2026 US Attack Iran, Donald trump, US Military, West Asia Crisis

ఎం కోటేశ్వరరావు

అరవై రోజుల పాటు దాడుల విరమణకు ఒప్పందం చేసుకొని శాశ్వత అవగాహనకు రావాలని నిర్ణయించిన డోనాల్డ్ ట్రంప్ మరోమారు ఉల్లంఘనకు పాల్పడ్డాడు. జూలై నెలలో పదమÖడు రోజుల పాటు ఇరాన్‌పై భీకరదాడులు జరిపాడు.శుక్రవారం నుంచి నిలిపివేశాడు. ఇరాన్‌తో “ మంచి స్నేహపూర్వక మాటలు ” మాట్లాడుతున్నట్లు సోమవారం నాడు చెప్పాడు. అయితే సంప్రదింపులు దీర్ఘకాలం సాగటం తనకు ఇష్టం లేదన్నాడు. పోరు నుంచి బయట పడేందుకు అమెరికా నానా తిప్పలు పడుతోందని టెహరాన్ వ్యాఖ్యానించింది. ఇజ్రాయెల్ ప్రధాని బెంజమిన్ నెతన్యాహు మంగళవారం నాడు వాషింగ్టన్ చేరుకున్నాడు. నెతన్యాహు సోమవారం నాడు ఇజ్రాయెల్ యుద్ధ మంత్రుల కమిటీతో సమావేశం జరుపుతాడని, అమెరికాతో కలసి ఇరాన్‌పై దాడులు చేయటంలో కీలక పాత్రపోషించాడని, ఇరాన్ అణు, ఖండాంతర క్షిపణుల కార్యక్రమాన్ని అడ్డుకొనేందుకు పట్టుబడతాడని ఇజ్రాయెల్ ప్రధాని కార్యాలయం ఆదివారం నాడు ఒక ప్రకటనలో పేర్కొన్నది. ఇరాన్‌తో సాగుతున్న పోరే ట్రంప్‌తో ప్రధాన చర్చనీయాంశంగా ఉంది. ఇరాన్ మద్దతు ఉన్న ఎమెన్‌లోని హౌతీలు`సౌదీ అరేబియా మధ్య దాడులు జరుగుతున్నాయి. తమ చమురు కేంద్రాలపై డ్రోన్ దాడులు జరిగినట్లు రియాద్ ప్రకటించింది. లెబనాన్‌లో ఇజ్రాయెల్ జరిపిన దాడుల గురించి ఐక్యరాజ్యసమితి మానవహక్కుల కమిషన్ వివరాలు నమోదు చేసింది.అంతర్జాతీయ న్యాయ చట్టాలను ఉల్లంఘించినట్లు, వాటిలో కొన్ని యుద్ద నేరాలతో సమానమని మానవహక్కుల కమిషనర్ వాకర్ టర్క్ వర్ణించాడు. ఇదిలా ఉండగా పశ్చిమాసియా సంక్షోభంలో మరణించిన, గాయపడిన అమెరికన్ సైనికులు ఎందరన్నది వివాదంగా మారింది. గత మంగళవారం నాడు ట్రంప్ చేసిన ప్రకటనలో 18 మంది మరణించినట్లు పేర్కొనగా మరుసటి రోజు రక్షణ శాఖ 14గా పేర్కొన్నది, అదే విధంగా గాయపడిన వారి సంఖ్యను కూడా తగ్గించి చూపింది. దీని గురించి అడిగితే పొంతనలేని సమాధానాలు వచ్చాయి. ఇరాన్ మీద దాడులు ఆపకూడదు, కొనసాగించాలంటూ వత్తిడి తెస్తున్న ఇజ్రాయెల్ ప్రధాని నెతన్యాహు మంగళవారం నాడు అమెరికా పర్యటనకు వచ్చాడు. ఈ పర్యటన ఖరారైన తరువాతే దాడులకు అమెరికా విరామం ఇచ్చింది. ట్రంప్ ఎన్నెన్నో ప్రగల్భాలు పలికాడు, ఇంక మాటల్లేవ్ చేతలే సమాధానం అన్నాడు. సలహదారుల నివేదికల తరువాత గురువారం నుంచే ట్రంప్ వైఖరిలో మార్పు వచ్చి శుక్రవారం నుంచి దాడులు ఆపివేయించాడు. ఎందుకు అంటే చర్చలకు అవకాశం ఇవ్వాలని అంటున్నాడు.చర్చించేదేమీ లేదు, అమెరికా ఎన్ని రోజులు దాడులు అపితే మేం కూడా అదే విధంగా స్పందిస్తామని ఇరాన్ కూడా ప్రకటించింది. ఈ విరామం ఎన్ని రోజులు ఉంటుందో, ఏమి చర్చలు చేస్తారో ఇది రాసిన సమయానికి ఎలాంటి స్పష్టత లేదు.

ఇరాన్‌పై దాడులతో అమెరికా, ఇజ్రాయెల్ ఏమి సాధించాయో ఊకదంపుడు ప్రకటనలు తప్ప నిర్దిష్టంగా ఎవరూ ఏమీ చెప్పటం లేదు. అయితే ఆర్థిక భారాలకు సంబంధించి కొన్ని తాత్కాలిక అంచనాలు, వివరాలు మాత్రమే ఇప్పటివరకు వెల్లడయ్యాయి.అమెరికాకు 37.5 బిలియన్ డాలర్లు ఖర్చయినట్లు రక్షణ శాఖ అధికారికంగా ప్రకటించింది. అదనంగా అత్యవసర నిధులు 67 నుంచి 90 బిలియన్ డాలర్ల వరకు కావాలని ట్రంప్ యంత్రాంగం పార్లమెంటును కోరింది.అయితే రోజుకు ఒక బిలియన్ డాలర్లు ఖర్చు అవుతున్నట్లు స్వతంత్ర విశ్లేషకులు అంచనా వేస్తున్నారు, దీర్ఘకాలంలో మొత్తం ఖర్చు లక్ష కోట్ల డాలర్లు ఉంటుందని అంచనా. అమెరికా 56వేల మంది సైనికులను ఇరాన్‌పై దాడులు, ఇతర అవసరాలకు వినియోగిస్తున్నదని, ఆయుధాలు, ఇతర మిలిటరీ సంబంధ వస్తువులను పెద్ద ఎత్తున కొత్తగా చేర్చినట్లు చెబుతున్నారు. అమెరికాలో నెలవారీ వినియోగదారుల ఇంథన ఖర్చు 21.2శాతం పెరిగింది.దీంతో వినియోగదారుల ధరల సూచీ 3.3శాతానికి పెరిగింది.ద్రవ్యోల్బణాన్ని తగ్గించేందుకు ఐరోపా బ్యాంకులు వడ్డీ రేట్లు పెంచాయి.అరబ్ గల్ఫ్ దేశాల్లో ఆహార ధరలు 40 నుంచి 120శాతం పెరిగాయి. చమురు నౌకలు సుదూరం ప్రయాణించాల్సి రావటంతో దిగుమతి దేశాలకు రవాణా, బీమా ఖర్చులు పెరిగాయి.ఇరాన్ చమురు ఎగుమతుల పతనం, ఇతర దేశాల్లో జనాల మీద పడిన భారాలు ఎంతో ఇప్పటికిప్పుడు ఎవరూ చెప్పలేని స్థితి.

అయితే వాషింగ్టన్ మరోసారి ఎందుకు దాడులకు తెగబడింది, తిరిగి చర్చలంటూ ఎందుకు నిలిపివేసిందన్నదే అసలు సమస్య. ఇరాన్ చేస్తున్నది ఆత్మరక్షణ ఎదురుదాడులు తప్ప మరొకటి కాదు గనుక అది ఎందుకు ఆపిందో అందరికీ విదితమే. అమెరికాకు ఏమైంది ! వస్తున్న వార్తలను బట్టి చెప్పుకోరాని చోట తగులుతున్న దెబ్బలే అనిచెప్పవచ్చు. టెహరాన్ మీద ఎన్ని దాడులు చేసినా చేతి చమురు వదలటం తప్ప సాధించేదేమీ లేదు అని పెంటగన్ అధికారులు కుండబద్దలు కొట్టి చెబుతున్నట్లు మీడియా సంస్థలు పేర్కొంటున్నాయి. మరోవైపు మిలిటరీ సిబ్బంది మరణాలు, గాయపడిన వారి సంఖ్య పెరగటం, గల్ఫ్ దేశాలు తెస్తున్న వత్తిడి కూడా ట్రంప్‌కు ఏం చేయాలో దిక్కుతోచకుండా చేస్తున్నాయి. ఇరాన్ దాడుల్లో గాయపడిన అనేక మందిని జర్మనీలోని అమెరికా మిలిటరీ ఆసుపత్రిలో చికిత్సకోసం తరలించినట్లు ఒక అధికారి చెప్పటాన్ని న్యూయార్క్ టైమ్స్ పత్రిక ఉటంకించింది. జూలై నెలలో జరిగిన దాడుల్లో దాదాపు వంద మంది గాయపడ్డారని వారిలో ఒక్క జోర్డాన్ సైనిక స్థావరాల్లోనే 50 మంది ఉన్నట్లు అధికారి చెప్పాడట.మువాఫాక్ సాల్టీ వైమానిక స్థావరంలో ముగ్గురు సైనికులు మరణించారు.కేవలం ఆరునెలల క్రితమే పని చేయటం ప్రారంభించిన కువాయిట్‌లోని అహమద్ అల్ జబర్ వైమానిక స్థావర రాడార్ వ్యవస్థ నాశనమైంది. ఇలా అనేక చోట్ల అమెరికా నష్టపోయినట్లు వార్తలు. ఎంత మంది అమెరికా సైనికులు గాయపడిందీ, మరణించిందీ కూడా వివరాలను వెల్లడించేందుకు సిద్దపడటం లేదనే వార్తలు రావటాన్ని బట్టి ఈ పరిణామం కూడా దాడుల నిలిపివేతకు కారణం కావచ్చు. సమాచారాన్ని దాచిపెడుతున్నారన్న విమర్శల నేపధ్యంలో రక్షణ శాఖ సమాచార వ్యవస్థలో శుక్రవారం నాటికి వెల్లడించిన వివరాల ప్రకారం అంతకు ముందువారంలో అదనంగా 140 మంది సైనికులు గాయపడినట్లు, నలుగురు మరణించినట్లు పేర్కొన్నారు. డిఫెన్స్ కాజువాలిటీ అనాలసిస్ సిస్టమ్(డిసిఎఎస్) అంటే మిలిటరీ మరణాల విశ్లేషణ వ్యవస్థలో జూలై ఏడు నుంచి విదేశీ కార్యకలాపాల్లో మరణించిన లేదా గాయపడిన వారి గురించి విశ్లేషించారు. పెంటగన్ తాజా సమాచారం ప్రకారం ఇరాన్ మీద ప్రారంభించిన ఆపరేషన్ ఎపిక్ ఫురీలో 18 మంది అమెరికా సైనికులు మరణించగా 624 మంది గాయపడ్డారు.సిఎనఎన్ విశ్లేషణ ప్రకారం గతవారంలోనే గరిష్టంగా 482 మంది గాయపడ్డారు. రక్షణశాఖ మీడియాకు అందచేస్తున్న వివరాలు, డిసిఎఎస్ వ్యవస్థలో గాయపడిన లేదా మరణించిన వారి సంఖ్యను తగ్గించి చూపుతున్నారని దీనికి కారణాలు ఏమిటని పార్లమెంట్‌లోని సెనెట్ సాయుధ దళాల కమిటీలోని 12 మంది ప్రతిపక్ష డెమోక్రటిక్ పార్టీ సభ్యులు రక్షణ మంత్రి పీట్ హెగ్‌సేత్‌కు ఒక లేఖ రాశారు. సమాచారానికి సంబంధించి తాత్కాలికంగా తలెత్తిన సమస్యల కారణంగా డిసిఎఎస్ వెబ్‌సైట్‌లో తేడాలు కనిపిస్తున్నాయని రక్షణ శాఖ మీడియా ప్రతినిధి జోయల్ వాల్‌డెజ్ సమర్ధించుకున్నాడు. తాజా వివరాలు కావాలని సిఎనఎన్ ఛానల్ రక్షణశాఖను కోరగా శనివారం నాటికి కూడా ఉలుకూలేదు పలుకూలేదు. నిమిష నిమిషానికీ సమాచారాన్ని సవరించే డిసిఏఎస్ జూలై ఏడు నుంచి ఎలాంటి మార్పులు చేయలేదు. అదే రోజున ఇరాన్‌తో నూతన పోరు ప్రారంభమౌతుందని ట్రంప్ ప్రకటించాడు.

అధ్యక్షుడికి ఉన్న అసాధారణ అధికారాల ప్రకారం పార్లమెంటు అనుమతి లేకుండా 60 రోజుల పాటు మిలిటరీ చర్యకు ఆదేశాలు జారీ చేయవచ్చు. ఆ విధంగా ఫిబ్రవరి 28నాటి ఆదేశాలు మే ఒకటవ తేదీతో ముగిశాయి. దీన్ని సాకుగా చూపి మరోసారి కొత్తగా ఆదేశాలు జారీ చేసినట్లు, దానికీ దీనికీ సంబంధం లేదని ట్రంప్ యంత్రాంగం భాష్యం చెబుతోంది. ట్రంప్ చర్యలు రాజ్యాంగవిరుద్దమని అధికార, ప్రతిపక్షానికి చెందిన ఎంపీలు కొందరు విమర్శించారు. ఇరాన్‌పై దాడుల ప్రభావం పరిమితమే, ఇంతకు మించి చేసేదేమీ లేదని, ఆయుధాలు కూడా నిండుకుంటున్నాయని అమెరికా ఉన్నత మిలిటరీ అధికారులు చెబుతున్నారు. ఇరాన్‌పై జరుపుతున్న దాడుల ప్రభావానికి పరిమితులు ఏర్పడ్డాయని,హార్ముజ్ ప్రాంతంలో ప్రత్యేకించి వైమానిక దాడుల కొనసాగింపువలన ఫలితం లేదని మధ్య ప్రాచ్యంలో అమెరికా మిలిటరీ అధికారి అడ్మిరల్ బ్రాడ్లే కూపర్ సిఫార్సు చేసినట్లు ఆదివారం నాడు వార్తలు వచ్చాయి. ట్రంప్ పౌర, మిలిటరీ సలహాదారులు కూడా దీన్ని బలపరిచినట్లు చెబుతున్నకారణంగానే ట్రంప్ దాడులు నిలిపివేయించాడు.రెండువారాల దాడుల తరువాత నౌకల మీద దాడి చేసే శక్తిని ఇరాన్ కోల్పోయిందని అందువలన దాని లక్ష్యాలపై దాడులు కొనసాగిస్తే కొత్తగా వచ్చే ప్రయోజనం లేదని కూపర్ నివేదించినట్లు చెబుతున్నారు. అయితే ఈ వార్తలపై వ్యాఖ్యానించేందుకు సెంట్రల్ కమాండ్ ప్రతినిధి తిరస్కరించాడు. జాయింట్ చీఫ్ ఆఫ్ స్టాప్ చైర్మన్ జనరల్ డాన్ కెయినె కూడా రక్షణ మంత్రి పీట్ హెగ్‌సేత్, ట్రంప్‌తో మాట్లాడుతూ ఇరాన్‌వైపు నుంచి వస్తున్న డ్రోన్లు, క్షిపణులను అడ్డుకొనే పేట్రియాట్, తోమహాక్ క్షిపణుల వంటి వాయు రక్షణ ఆయుధాలకు కొరత ఏర్పడితే అమెరికా సైనికులు, ఆ ప్రాంతంలోని మద్దతుదారులైన గల్ఫ్ దేశాలను రక్షించటం కష్టం అవుతుందని చెప్పారని సమాచారం. కెయినే హెచ్చరికల గురించి సాక్షాత్తూ న్యూయార్క్ టైమ్స్ పత్రికే ప్రకటించింది. దాని మీద వివరణ కోరగా అధ్యక్షుడికి ఇచ్చిన సలహా రహస్యం గనుక వ్యాఖ్యానించేది లేదని అధికార ప్రతినిధి స్పందించాడు. మరోసారి ఇరాన్‌పై దాడులు జరుపుతారా అన్న ప్రశ్నకు ఒక టీవీ కార్యక్రమంలో ఐరాసలో అమెరికా ప్రతినిధి మైక్ వాల్జ్ మాట్లాడుతూ దాని గురించి తాను ఎక్కువగా చెప్పలేనని, అధ్యక్షుడి ముందు అనిప్రతిపాదనలూ ఉన్నాయన్నాడు. ఇరాన్‌పై నిర్ణయించిన లక్ష్యాలలో 80శాతం సాధించామని, మిగిలిన 20శాతం కోసం ఇప్పటివరకు చేసినవాటి కంటే మరింత భారీ దాడులు చేయాల్సి ఉంటుందని, దీర్ఘకాలంతోపాటు, ముప్పు ఖర్చు కూడా ఎక్కువే గనుక కొనసాగించటం వలన ప్రయోజనం లేదన్నది ట్రంప్ సలహాదారులు చెప్పిన అంశాల సారం.అధికారికంగా ధృవీకరించనప్పటికీ తెరవెనుక అమెరికా ప్రతినిధులు ఇరాన్‌తో సంబంధాల్లో ఉన్నారు. మరోవైపు హార్ముజ్ జలసంధిపై అదుపు తమదేనని, రాకపోకలు సాగించే నౌకలు పన్ను చెల్లించాలని కోరుతున్న ఇరాన్ జలసంధికి మరోవైపున ఉన్న ఒమన్‌తో సంప్రదింపులు కొనసాగిస్తున్నది. ఒప్పందం చేసుకొనేందుకు ఇరాన్ సిద్దంగా ఉందని తాను అనుకోవటం లేదని అయితే తాను వింటానని వైట్ హౌస్ విలేకర్ల విందులో ట్రంప్ వ్యాఖ్యానించాడు.అణు, క్షిపణుల నియంత్రణ మీద కేంద్రీకరించాలని ఇజ్రాయెల్ వత్తిడి చేస్తుండగా తమకు హార్ముజ్ జలసంధిని తెరిపించటమే ముఖ్యమని అమెరికా చెబుతోంది.మరోవైపున బ్రిటన్ నూతన ప్రధాని ఆండీ బర్నహన్ అమెరికాతో ఉన్నత స్థాయి చర్చలు జరిపి జలసంధిలో నౌకల రక్షణకు సంబంధించి ఒక కూటమిని ఏర్పాటు చేయాలని చూస్తున్నాడు. ఇరాన్‌పై దాడులు చేసేందుకు తమ వైమానిక స్థావరాన్ని వినియోగించుకొనేందుకు ఇప్పటివరకు అమెరికాకు బ్రిటన్ అనుమతి ఇవ్వలేదు.

గత నాలుగు దశాబ్దాలుగా ఇరాన్ను దెబ్బతీసి తమ అదుపులోకి తెచ్చుకొనేందుకు అమెరికా చేయని యత్నం లేదు.దానికి గల్ఫ్ దేశాలు, ఐరోపాలోని పెద్ద దేశాలన్నీ ప్రత్యక్షంగా, పరోక్షంగా సహకరించాయి. అమెరికా ప్రకటించిన ఆంక్షలను అవి అమలు చేశాయి.తమ మిలిటరీ శక్తి, ఆంక్షలు, ఒంటరిపాటుతో టెహరాన్‌పై పట్టు సాధించాలన్న అమెరికా పథకం పారలేదు.ఇటీవలి దాడులతో దాని బలహీనతలు ఏమిటో ప్రపంచానికి వెల్లడయ్యాయి.అమెరికా మిలిటరీ స్థావరాలపై ఇరాన్ దాడులతో తమ పౌరులు, ఆస్తులు కూడా ప్రభావితం అవుతున్నప్పటికీ ఏ ఒక్క గల్ఫ్ దేశమÖ యుద్దంలోకి దిగలేదు.రెండవ ప్రపంచ యుద్దం తరువాత అమెరికా సాగించిన అన్ని దుర్మార్గ చర్యలకూ మద్దతు లేదా స్వయంగా భాగస్వాములైన ఐరోపా, ఇతర మిత్రదేశాలు కూడా తాజా పరిణామాల్లో అమెరికాకు బాసటగా నిలిచేందుకు నిరాకరించటం ఒక పెద్ద పరిణామం.రానున్న రోజుల్లో ఇది ఎలాంటి పర్యవసానాలకు దారితీస్తుందో వేచి చూడాల్సిందే !

అమెరికా ఎన్నికల్లో చైనా జోక్యమా ! ఐదు రోజుల్లోనే మాట మార్చిన ట్రంప్ ఆరోపణల వెనుక అసలు కథేమిటి !!

22 Wednesday Jul 2026

Posted by raomk in CHINA, Current Affairs, History, imperialism, INTERNATIONAL NEWS, Left politics, Opinion, USA

≈ Leave a comment

Tags

2026 US Elections, Amazon Labor Union (ALU)., anti china, Anti communist, China, Democratic party, Democratic Socialist Party, Donald trump, Leftist Zohran Mamdani, Republican party, Trump’s election meddling

ఎం కోటేశ్వరరావు

“ వీరు సోషల్ డెమోక్రాట్లు (సామాజిక ప్రజాస్వామిక వాదులు) కాదు, కరుడు గట్టిన దేవుడులేని కమÖ్యనిస్టులు, వారు అన్ని మతాల మీద దాడులు చేస్తారు, ప్రత్యేకించి క్రైస్తవం మీద, వారెప్పుడూ అదే చేస్తారు,అదొక పిచ్చి వంటిది, ఈ దేశంలో మీ చర్చీలన్నింటినీ మÖసివేస్తారు. మీ వారిని చంపివేస్తారు, ఏదనుకుంటే అది చేస్తారు. వారు మతాన్ని అంతం చేయాలనుకుంటున్నారు.మీకు బలమైన మతం ఉంటే వారి సిద్దాంతం పనిచేయదు గనుక వారు మతాన్ని అంతం చేయాలనుకుంటారు.రెండువందల యాభై సంవత్సరాల క్రితం మన దేశ స్థాపన జరిగిన తరువాత నా అభిప్రాయం ప్రకారం మనదేశానికి వచ్చిన ముప్పు ఇది.” ఈ మాటలు మాట్లాడింది అమెరికా అధ్యక్షుడిగా ఉన్న డోనాల్డ్‌ట్రంప్ అనే ఒక కమÖ్యనిస్టు వ్యతిరేక ఉన్మాది. గతవారంలో దేశ ప్రజల నుద్దేశించి ఇరవై నిమిషాలపాటు టీవీలో చేసిన ప్రసంగంలో ఇలాంటి పాటు అనేక చెత్త మాటలు అతని నోటి నుంచి వచ్చాయి. ఎన్నికల్లో తనను ఓడించేందుకు చైనా కమÖ్యనిస్టులు గతంలో జోక్యం చేసుకున్నారని ఇప్పుడు మధ్యంతర ఎన్నికల్లో అదే పని చేస్తున్నారని ఆరోపించాడు. ఐతే ఐదు రోజుల తరువాత మంగళవారం నాడు మాట మార్చాడు. చైనా జోక్యం ఎంతో కాలం క్రితం జరిగింది, అప్పటికీ ఇప్పటికీ తేడా ఉంది. అయినా చైనా వారు ఏది చేస్తే మేమÖ అదే చేస్తున్నాం, ఇదేదో ఏకపక్షంగా జరుగుతున్నది కాదు అని ట్రంప్ అన్నాడు. ఆధారాలు లేని తీవ్ర ఆరోపణలు చేసినందున చైనా నుంచి వచ్చే ప్రతిస్పందనకు భయపడి ఈ పెద్దమనిషి వెనక్కు తగ్గినట్లు కనిపిస్తోంది. నోటికి ఏది వస్తే అది వాగటం తరువాత మరోవిధంగా మాట్లాడటంలో ప్రపంచ నేతల్లో ట్రంప్‌కు మరొకరు సాటి రారని ఇప్పటికే నిరూపించుకున్నాడు. నవంబరు మÖడవ తేదీన జరిగే పార్లమెంటు మధ్యంతర ఎన్నికల్లో జనం ఏ తీర్పు ఇస్తారో తెలియదుగానీ, అధికార రిపబ్లిన్లకు ఎదురుదెబ్బ తగిలి ఉభయ సభల్లో మెజారిటీ కోల్పోతే దానికి కారణం చైనీయులే అని చెప్పేందుకు ముందుగానే ఒక సాకు సిద్దం చేసుకున్నట్లు స్పష్టంగా కనిపిస్తోంది. తిరుగుబాటు రాష్ట్రమైన తైవాన్ ఎప్పటికైనా చైనాలో విలీనం కావాల్సిందే. అక్కడ ప్రత్యేక దేశమా, విలీనానికి అనుకూలమా అనే ప్రాతిపదికనే ఎన్నికలు జరుగుతాయి. ఒకే భాష, ఒకే జాతి అయిన అక్కడే అలాంటి పని చేయని చైనా ఎక్కడో సుదూరంగా ఉండి, తమ భాష అర్ధంగానీ అమెరికాలో డోనాల్డ్ ట్రంప్‌కు వ్యతిరేకంగా ఏ భాషలో ప్రచారం చేస్తుంది ? అయినా చైనా చెప్పగానే అమెరికన్లు మారేట్లయితే ఏకంగా కమÖ్యనిస్టులనే ఎన్నుకోవాలని ప్రచారం చేయవచ్చు కదా ! చరిత్రలో మతోన్మాదులు తమ వ్యతిరేక మత కేంద్రాల మీద దాడులు చేశారు, కూలగొట్టిన చరిత్రను మÖటగట్టుకున్నారు.మన కళ్ల ముందే బాబరీ మసీదును కూల్చి అక్కడే రామాలయాన్ని నిర్మించారు. కమÖ్యనిస్టులు వస్తే ప్రార్ధనా మందిరాలను కూల్చివేస్తారన్నది తప్పుడు ప్రచారం. రష్యా, చైనా, తూర్పు ఐరోపా దేశాలలో ఒక్క చర్చీని కూడా కూల్చివేయలేదు. గతంలో, వర్తమానంలో చైనా అలాంటి జోక్యం చేసుకున్న దాఖలాలు లేవు. భవిష్యత్‌లో జరిగేందుకు ఆస్కారమÖ లేదు. అయినప్పటికీ ట్రంప్ అలాంటి తప్పుడు ప్రచారం ఎందుకు చేస్తున్నట్లు !

అమెరికా ఎన్నికల్లో కమÖ్యనిస్టులు లేదా ఇతర పురోగామివాదులు ఒక పార్టీగా అక్కడ పాతుకుపోయిన రెండు ప్రధాన పార్టీలను దెబ్బకొట్టగలిగిన స్థితిలో లేరు అన్నది ఒక వాస్తవం.రెండవది, గత కొన్ని దశాబ్దాలుగా కమÖ్యనిస్టు వ్యతిరేకతను రెచ్చగొట్టి జనాల బుర్రలను ఖరాబు చేసిన సంగతి కూడా తెలిసిందే. గతంతో పోలిస్తే కొంత మార్పు వచ్చిన్పటికీ అది చాలదు.మన దేశ స్వాతంత్య్ర ఉద్యమ దశ, దిశను మార్చేందుకు పురోగామి వాదులు అనేక మంది కాంగ్రెస్ సోషలిస్టులుగా ప్రత్యేకతను ప్రదర్శిస్తూ కాంగ్రెస్‌లో అంతర్బాగంగానే పని చేసిన చరిత్ర తెలిసిందే.అమెరికాలో కూడా అదే జరుగుతున్నట్లు చెప్పవచ్చు. అయితే అక్కడి డెమోక్రటిక్ సోషలిస్టు పార్టీలో ఉన్నవారందరూ సోషలిజానికి, కమÖ్యనిజానికి అనుకూలురని చెప్పలేము. ఆ భావజాలానికి కట్టుబడి పని చేయాలని కోరుకొనే వారు కూడా గణనీయంగా ఉన్నారు. చివరి వరకు ఎంత మంది నిఖరంగా నిలుస్తారు, నిలవరు అనేది చరిత్ర చెప్పాల్సిందే.సోషలిస్టు భావాలను కలిగిన రెండు సంస్థలు, కొందరు వ్యక్తులు 1982లో డెమోక్రటిక్ సోషలిస్టు పార్టీగా(డిఎస్‌పి) ఏర్పడి డెమోక్రటిక్ పార్టీలోనే పని చేయటం ప్రారంభించారు.నాడు కొన్ని వందల మంది మాత్రమే సభ్యులుగా ఉండగా నేడు లక్షా పదివేల మంది వరకు ఉన్నట్లు అంచనా. సోషలిస్టులమని చెప్పుకొనేందుకే భయపడిన రోజుల నుంచి నేడు లక్షలాది మంది తామÖ అదే ఇస్టులమని గర్వంగా చెప్పుకొనేంతంగా ఆ ఉద్యమం ఎదిగింది. బెర్నీ శాండర్స్ సెనెటర్‌గా ఎన్నికతో ప్రారంభమైన ఆ పురోగమనం 2028ఎన్నికల్లో రెండు రాష్ట్రాల్లో గవర్నర్ పదవుల కోసం, మరో రెండు చోట్ల గట్టి పోటీ ఇచ్చేందుకు, అధ్యక్ష ఎన్నికల్లో డెమోక్రటిక్ పార్టీ తరఫున తమ భావజాలం ఉన్న వ్యక్తిని నిలిపేందుకు అడుగులు వేయటమే ట్రంప్ ఆందోళనకు అసలు కారణంగా చెప్పవచ్చు. అమెరికా కార్పొరేట్ల రాజధాని న్యూయార్క్ పీఠంపై ఇప్పటికే ట్రంప్ దృష్టిలో కమÖ్యనిస్టుగా ముద్రపడిన డిఎస్‌పి నేత జోహ్రాన్ మందానీ మేయర్‌గా ఉండగా, రాజకీయ అధికార కేంద్రం ఉన్న వాషింగ్టన్ డిసిలో అదే భావజాలం కలిగిన మహిళ మేయర్ కాబోతున్నారనే వార్తలు వచ్చాయి. న్యూయార్క్ నగరంలో మÖడు ఎంపీ స్థానాలుండగా వాటికి డెమోక్రాట్లలో డిఎస్‌పి అభ్యర్ధులే ముందువరుసలో ఉన్నారు. రాజకీయ సర్వే జరపాలని, సెప్టెంబరు 15 నాటికి నివేదిక సమర్పించాలని డిఎస్‌పి తన 250శాఖలకు పత్రాలను పంపింది. ఇదంతా అధ్యక్ష ఎన్నికలకు సన్నాహమే. ఆ పార్టీ సెనెటర్ బెర్నీ శాండర్స్ వయస్సు 84 సంవత్సరాలు కావటంతో వేరే వారిని రంగంలోకి దించేందుకు కసరత్తు చేస్తున్నారు. కార్మిక నాయకురాలు, ప్రజాప్రతినిధుల సభ సభ్యురాలిగా ఉన్న అలెగ్జాండ్రియా ఒకాసియో కార్టెజ్ డెమోక్రటిక్ పార్టీ అభ్యర్ధిత్వంకోసం పోటీపడే అవకాశాలున్నాయని భావిస్తున్నారు. మరోసారి రిపబ్లికన్ పార్టీ తరఫున తానే పోటీ చేయాలని డోనాల్డ్ ట్రంప్ గట్టి ప్రయత్నాలు చేస్తున్నాడు.

జూలై 16న టీవీ ప్రసంగం తీరు చూసిన తరువాత తన పదవికోసం ట్రంప్ ఎంతకైనా తెగిస్తాడని అనేక మంది భావిస్తున్నారు.నవంబరు మÖడు మధ్యంతర ఎన్నికల్లో ఓటర్లను బెదిరించేందుకు మిలిటరీని దించటంతో పాటు(ఇప్పటికే చికాగో, లాస్ ఏంజల్స్, వాషింగ్టన్ డిసి, తదితర నగరాల్లో ఉన్నాయి), ఓట్ల పెట్టెలను అపహరించటంతో సహా ఏ అక్రమానికైనా పాల్పడవచ్చని చెబుతున్నారు.రిపబ్లికన్లు ఓడిపోతే ఫలితాలను తిరస్కరించే అవకాశం కూడా ఉంది.2020 అధ్యక్ష ఎన్నికలలో ఓడిపోతున్నట్లు గ్రహించి బ్యాలట్ బాక్సులను తారుమారు చేయాలని చూస్తే అతగాడి అధికార యంత్రాంగంలోని వారే అడ్డుపడటంతో వెనక్కు తగ్గాడు. తరువాత జోబైడెన్ ఎన్నికను గుర్తించకుండా తన అనుచరులతో అమెరికా అధ్యక్ష కేంద్రం మీద దాడి చేయించిన సంగతి తెలిసిందే.తన ప్రసంగంలో రహస్య పత్రాలంటూ కొన్నింటిని పేర్కొంటూ రష్యా, చైనా,ఇరాన్, ఉత్తర కొరియా దేశాల నుంచి, కొన్ని సంస్థలు ఎన్నికల్లో జోక్యం చేసుకొనేందుకు చూస్తున్నాయని ట్రంప్ ఆరోపించాడు.అయితే ఎలా అన్నది మాత్రం చెప్పలేదు.తెలుగునాట ముఖ్యమంత్రులుగా పనిచేసిన వారు కొన్ని పత్రికలు, టీవీ ఛానళ్ల పట్ల వ్యవహరించిన తీరును చూశాము.ప్రజాస్వామ్యానికి, భావప్రకటనా స్వేచ్చకు నిలయమని ఊదరగొట్టే అమెరికాలో పరిస్థితి దీనికి భిన్నంగా ఉంది. ఎవరి అజెండా వారికి వుంది.తనకు వ్యతిరేకంగా ఎబిసి మరియు ఎన్‌బిసి మీడియా సంస్థలు కుట్రలో భాగస్వాములని,తన ప్రసంగాలను ప్రత్యక్ష ప్రసారం చేయటం లేదని ట్రంప్ ఆరోపించాడు.వాటి లైసన్సు రద్దు చేస్తామని బెదిరించాడు. మధ్యంతర ఎన్నికల్లో గెలిచేందుకు ట్రంప్ ఇరాన్ను ఒక అంశంగా ఎంచుకున్నాడు. సోవియట్‌తో జరిగిన ప్రచ్చన్న యుద్దంలో అణుబూచిని చూపి ఓటర్లను ఆకట్టుకోవటం నాటి అజెండాలలో ఒకటి. టెహరాన్ విషయంలో అది తిరగబడింది.దాని బదుదలు అనూహ్యంగా హార్ముజ్ జలసంధిపై అదుపు ప్రతిష్టాత్మకంగా మార్చుకొని ఇరుక్కు పోయాడు.రెండవది పాతబడిన రోత ప్రచారం కమÖ్యనిస్టు వ్యతిరేకత, సోవియట్ లేదు గనుక దాని స్థానంలో చైనా కుట్ర అంటూ రెచ్చగొట్టటం.చిత్రం ఏమిటంటే అమెరికాలో కమÖ్యనిస్టు పార్టీ ఉన్నప్పటికీ అది అక్కడి పాలకపార్టీలను సవాలు చేసే స్థితిలో లేదు. అందుకే డెమోక్రటిక్ సోషలిస్టులను కమÖ్యనిస్టులుగా చిత్రించి ట్రంప్ దాడి చేస్తున్నాడు.అయితే వారంతా తమ కళ్ల ముందు కనిపించేవారు గనుక వారి నుంచి ముప్పు ఎలా వస్తుందో నమ్మించలేకపోతున్నాడు. నిజానికి సాధారణ అమెరికన్లకు ముప్పుగా మారింది “ దేవుడు లేని కమÖ్యనిస్టులు ” కాదు. అమెరికా ఇమ్మిగ్రేషన్ అండ్ కస్టమ్స్ దళం(ఐసివి). వారిని చూస్తే జనాలు వణికిపోతారు.ఎవరిని అరెస్టు చేస్తారో, ఎవరిని చంపుతారో తెలియదు. హిట్లర్ నాటి రహస్య హంతక దళాలను అవి గుర్తుకు తెస్తాయి.రెండవసారి ట్రంప్ అధికారానికి వచ్చిన తరువాత ఐసిఇ లేదా సరిహద్దు నిఘా దళానికి చెందిన వారు బూటకపు ఎన్‌కౌంటర్లు చేసి పదకొండు మందిని చంపారు.వీరుగాక వలస వచ్చిన వారిని బంధించిన శిబిరాల్లో మరో 21మంది మరణించారు.

అమెరికా ఎన్నికల్లో జోక్యం చేసుకుంటున్నట్లు చేసిన ఆరోపణలను చైనా గట్టిగా తిరస్కరించింది. ప్రతిపక్ష డెమోక్రాట్ల చేతిలో ఓటమిని ఎదుర్కోలేక గత కొన్ని సంవత్సరాలుగా ఇలాంటి ఆరోపణలు చేస్తున్నట్లు తిప్పి కొట్టింది.ఇరవై రెండు కోట్ల మంది ఓటర్ల వివరాలను చైనా సంపాదించిందని, గతంలో అధికారానికి వచ్చినప్పటి నుంచీ అమెరికా మీడియాలో తనకు వ్యతిరేకంగా రాసేందుకు జర్నలిస్టులకు డబ్బు ఇస్తున్నదని, వాణిజ్యవేత్తలను తనకు వ్యతిరేకంగా తయారు చేస్తున్నదని ట్రంప్ తాజా ప్రసంగంలో ఆరోపించాడు.చైనా వాణిజ్యాన్ని సవాలు చేసిన తొలి అధ్యక్షుడిగా తాను ఉన్నందుకు గాను 2018లో జరిగిన మధ్యంతర ఎన్నికల్లో కూడా చైనా జోక్యం చేసుకున్నదని అదే ఏడాది భద్రతా మండలికి ట్రంప్ ఫిర్యాదు చేశాడు. అయితే ఆ సమయంలో అక్కడే ఉన్న చైనా ప్రతినిధి రుజువులు చూపాలంటూ సవాలు చేశాడు, ఎలాంటి ఆధారాలను అమెరికా చూపలేకపోయింది. మే నెలలో బీజింగ్ పర్యటనకు వెళ్లిన ట్రంప్ ఆహ్వానం మేరకు సెప్టెంబరులో చైనా నేత షీ జింపింగ్ అమెరికా పర్యటనకు వస్తారని చెబుతున్న నేపథ్యంలో ఇలాంటి ఆరోపణలు ట్రంప్ నోటి నుంచి వెలువడటం అతగాడి సంస్కారాన్ని వెల్లడిస్తున్నది.

వామపక్షవాదాన్ని, దాన్ని అనుసరించేవారిని అణచివేసేందుకు అమెరికా పాలకులు ఎన్ని పద్దతులను అనుసరించారో దానికి ప్రతిగా వామపక్ష వాదులు కూడా పద్దతులను మార్చుకొని తమ భావజాలాన్ని విస్తరింప చేస్తున్నారు.దాన్ని అడ్డుకోవటం సాధ్యం కావటం లేదు. దేనికైనా పరిస్థితులు అనుకూలించాలి. సైద్దాంతిక విబేధాలు, భిన్నమైన భాష్యాలు చెప్పి ఉండవచ్చు తప్ప కమÖ్యనిజం విఫలమైందని గతంలో ఏ కమÖ్యనిస్టూ పార్టీ కూడా చెప్పలేదు. ఆ ఉద్యమం నుంచి దూరమైనవారు చెప్పేదాన్ని పట్టించుకోవనవసరం లేదు. దానికి భిన్నంగా పెట్టుబడిదారీ విధానం విఫలమైందని ఆ విధానాన్ని సమర్ధించేవారే చెప్పటం ఇటీవలి కాలంలో వచ్చిన మార్పు. ఇది మరోచర్చకు నాంది పలికింది. అనేక మంది కారల్ మార్క్స్`ఫ్రెడరిక్ ఎంగెల్స్ చేసిన కమÖ్యనిస్టు రచనలు, భాష్యాల గురించి అధ్యయనం చేసేందుకు పూనుకున్నారు. అమెరికాలో గతం మాదిరి కరడు గట్టిన సోషలిస్టు వ్యతిరేక భావనలు ఇప్పుడు లేవు. సోషలిజం, కమÖ్యనిజాలను సానుకూలంగా చూసే ఏ వాదమైనా వామపక్షభావజాలమే అవుతుంది.దాన్నే కమÖ్యనిజం అని ట్రంప్ వంటి వారు వ్యతిరేకతను రెచ్చగొడుతున్నారు. పుంఖాను పుంఖాలుగా రచనలు చేస్తూ భావజాల దాడులు చేస్తున్నారు.ఇటీవల ఒక అమెరికా పత్రిక “ సోషలిస్టులను చూసి భయపడవద్దు.వారిని తయారు చేసే పరిస్థితులను చూసి భయపడాలి ” అంటూ ఒక విశ్లేషణకు శీర్షిక పెట్టింది.చరిత్ర చెప్పిన సారం, కమÖ్యనిస్టులు చెప్పేది కూడా అదే.కమÖ్యనిస్టు వ్యతిరేకులు రకరకాల ముసుగులు వేసుకువస్తున్నారు.అమెరికాలో జరుగుతున్న పరిణామాల గురించి ఆంధ్రా అల్లుడు, ఉపాధ్యక్షుడు జెడి వాన్స్ రెండు సంవత్సరాల క్రితం ఒక వ్యాఖ్య చేశాడు.“ గతంలో కమÖ్యనిస్టులు వీధుల్లో ఎర్రజెండాలు పట్టుకొని ప్రదర్శనలు చేశారు.ఈ రోజు వారు హెచ్ ఆర్, కళాశాలల ప్రాంగణాలలో ప్రదర్శనలు చేస్తున్నారు, మంచివారు, నిజాయితీపరులకు వ్యతిరేకంగా కోర్టు హాళ్లలో న్యాయపోరాటం చేస్తున్నారు.” అన్నాడు.తెలివితేటలు ఎవడబ్బ సొమ్ము కాదు, కమÖ్యనిస్టులు కూడా నూతన పద్దతులను నేర్చుకోవాల్సిన పరిస్థితులను దోపిడీ వర్గమే కల్పించింది !

ఇరాన్‌పై కొనసాగుతున్న దాడులు – అణుబాంబు కంటే అమెరికాకు హార్ముజ్ ముఖ్యం !

15 Wednesday Jul 2026

Posted by raomk in CHINA, Current Affairs, Economics, History, imperialism, INDIA, INTERNATIONAL NEWS, Opinion, RUSSIA, USA, WAR

≈ Leave a comment

Tags

#US Lies, 2026 US Attack Iran, 2026 US Elections, Donald trump, Hormuz mission

ఎం కోటేశ్వరరావు

ఇరాన్ అణుబాంబులు తయారు చేస్తోంది గనుక నిరోధించేందుకు తాము దాడులకు దిగినట్లు అమెరికా అధినేత డోనాల్డ్ ట్రంప్ ఈ ఏడాది మార్చినెల ప్రారంభంలో ప్రపంచాన్ని నమ్మించేందుకు చూశాడు. అంతకు ముందు 2025లో కూడా దాడులు చేసి అణు స్థావరాలను ధ్వంసం చేసినట్లు ప్రకటించిన సంగతి తెలిసిందే. అయినప్పటికీ మరోసారి ఎనిమిది నెలలకే దాడులకు దిగాడు. ఫిబ్రవరి 28న పశ్చిమాసియాలో ఇరాన్‌పై దాడులతో ట్రంప్ రేపిన చిచ్చును ఆరనివ్వకుండా కొనసాగిస్తూనే ఉన్నాడు.జూలై 11న మరోసారి ప్రారంభమైన దాడులుప్రతిదాడులు గురువారం నాడు కూడా కొనసాగుతూనే ఉన్నట్లు వార్తలు. బుధవారం నాడు పరిస్థితిని సమీక్షించిన ట్రంప్, మంత్రులు, ఉన్నతాధికారులు దాడులను మరింత పెద్ద ఎత్తున చేయాలని నిర్ణయించారు. మిత్రదేశాల వినతి మేరకు హార్ముజ్ జలసంధిలో రాకపోకలు జరిపే నౌకల్లోని వస్తువుల విలువలో 20శాతం పన్ను వసూలు చేయాలని తీసుకున్న నిర్ణయాన్ని వెనక్కు తీసుకున్నట్లు ట్రంప్ చెప్పాడని వార్తలు వచ్చాయి.అమెరికా నాయకత్వంలోని నాటో కూటమి కుట్రలకు వ్యతిరేకంగా 2022 ఫిబ్రవరిలో రష్యా ప్రారంభించిన సైనిక చర్య ఇంకా ముగియలేదు. ఉక్రెయిన్‌కు ఆయుధాలిచ్చి పశ్చిమదేశాలు ఇంకా ఎగదోస్తూనే ఉన్నాయి.గత శతాబ్దిలో ఎనిమిది సంవత్సరాల పాటు ఇరాన్ఇరాక్ యుద్దం జరిగింది.అమెరికా తీరుతెన్నులు చూస్తుంటే ప్రస్తుత సంక్షోభం కూడా వాటి సరసన చేరుతుందా అన్న అనుమానాలు తలెత్తుతున్నాయి. కనీసంగా అమెరికా పార్లమెంటుకు నవంబరు మÖడవ తేదీన జరిగే ఎన్నికలు ముగిసేవరకైనా రిపబ్లికన్ పార్టీ ఓట్ల కోసం ట్రంప్, అక్టోబరు నెలలో ఇజ్రాయెల్‌లో జరగనున్న పార్లమెంటు ఎన్నికల్లో తన పార్టీని గెలిపించేందుకు నెతన్యాహు లెబనాన్ మీద దాడులను కొనసాగించే వైఖరి కనిపిస్తోంది. ఈ ఇద్దరు నేతల దుర్మార్గాలకు ప్రపంచ మార్కెట్లలో చమురు ధరలు పడుతూ లేస్తూ మనవంటి దేశాలలో సామాన్యులను నానా ఇబ్బందులు పెడుతున్నాయి. ఎప్పుడు స్టాక్‌మార్కెట్ కుప్పకూలుతుందో ఎందరు ఎంత సొమ్ము పోగొట్టుకుంటారో తెలియని అయోమయం నెలకొన్నది. సంక్షోభాలు, యుద్దాలు కొనసాగితే అమెరికా కార్పొరేట్లకు కాసుల పంట పండుతుంది. అందుకే అవి నిత్యం ఎక్కడో ఒక చోట చిచ్చు పెట్టేందుకు చూస్తుంటాయి.

అమెరికా కుదుర్చుకున్న ఒప్పందం ప్రకారం హార్ముజ్ జలసంధిలో సురక్షిత నౌకా ప్రయాణానికి భద్రత కల్పించాల్సిన బాధ్యత ఇరాన్‌కు అప్పగించారు. జూన్ 17న కుదిరిన ఒప్పందం ప్రకారం 60 రోజుల పాటు వాణిజ్య నౌకల రవాణా మీద ఎలాంటి సుంకాలు విధించకూడదు.దాన్లో భాగంగా ఏ నౌక అయినా తమకు వివరాలు తెలిపి, తాము సూచించిన మార్గంలో ప్రయాణించాలని ఇరాన్ ప్రకటించింది. అయితే కొన్ని నౌకలు దీనికి భిన్నంగా ఎటువైపు వెళ్లేదీ తెలియనివ్వకుండా సంకేతాలను పంపే వ్యవస్థలను కట్టివేసి ప్రయాణిస్తుండటంతో అలాంటి నౌకలు హెచ్చరికలను ఖాతరు చేయకపోవటంతో ఇప్పటికి మÖడు సార్లు కొన్ని నౌకల మీద ఇరాన్ డ్రోన్లతో దాడులు చేసింది. వాటిని సాకుగా చూపి అమెరికా పెద్ద ఎత్తున ఇరాన్‌పై బాంబుల వర్షం కురిపిస్తున్నది. దానికి ప్రతిగా గల్ఫ్‌లోని అమెరికా మిలిటరీ స్థావరాల మీద ఇరాన్ కూడా ధీటుగా ప్రతిదాడులు చేస్తున్నది. ఈ క్రమంలో ఇరాన్‌తో ఇంక చర్చలేవీ లేవన్న ట్రంప్ వెంటనే మాట మార్చి సాంకేతిక అంశాలపై ఉంటాయని చెప్పాడు, పాకిస్తాన్, కతార్, ఈజిప్టు రంగంలోకి దిగి మరోసారి చర్చల కోసం రావాలని ఇరు పక్షాలనూ కోరుతున్నాయి. అదేమీ తేలకుండానే అమెరికా రెచ్చగొట్టుడు కారణంగా హార్ముజ్ జలసంధిని మరోసారి మÖసివేస్తున్నట్లు ఇరాన్ ప్రకటించింది.తాము కూడా దిగ్బంధనాన్ని తిరిగి కానసాగించి ఇరాన్‌కు నౌకల రాకపోకలను అడ్డుకుంటామని ట్రంప్ ప్రకటించాడు. అంతే కాదు హార్ముజ్ జలసంధిలో ప్రయాణించే నౌకల మీద వాటిలోని సరకు విలువలో 20శాతం పన్ను విధిస్తానని ప్రకటించాడు. అంతకు ఇరాన్ పన్ను వసూలు చేస్తానని చెబితే వ్యతిరేకించిన పెద్ద మనిషి ఇప్పుడు తానే ఆపని చేస్తానని చెప్పాడు. దాన్ని అమలు చేస్తే తీవ్ర వ్యతిరేకత వస్తుందని భయపడి వెనక్కు తగ్గాడు తప్ప మరొకటి కాదు. న్పుింగా అమలు జరిగితే పరిస్థితి ఏమిటి ?ఉదాహరణకు ముడి చమురు ధర పీపా సగటున 80 డాలర్లకు కొనుగోలు చేశారనుకుందాం. ఒక టాంకరులో పట్టే చమురు విలువ 16 కోట్ల డాలర్లు. దీనిలో ఇరవై శాతం పన్ను అంటే 3.2 కోట్ల డాలర్లు చెల్లించాలి. అదే అంతకు ముందు ఇరాన్ చెప్పినదాని ప్రకారం పన్ను మొత్తం 20లక్షల డాలర్లు మాత్రమే.హార్ముజ్ జలసంధి అమెరికా చేతుల్లోకి పోతే మనం దిగుమతి చేసుకొనే చమురుకు 20శాతం అదనంగా చెల్లించాల్సి వస్తుంది. ఎంత ఖర్చు పెరిగినా జనం మీద మోపేదే గనుక మన ప్రధాని నరేంద్రమోడీ, కేంద్ర మంత్రులెవరూ ట్రంప్ ప్రకటన మీద నోరెత్తలేదు.

తమ దుష్ట చర్యలను సమర్ధించుకొనేందుకు అమెరికాఇజ్రాయెల్ కట్టుకథలను ప్రచారం చేస్తున్నాయి.వాటిలో తాజాగా చెప్పిందేమిటంటే డోనాల్డ్ ట్రంప్‌ను అంతం చేసేందుకు ఇరాన్ కుట్ర చేసింది.తనను చంపేందుకు చూస్తున్నట్లు అంకారాలో జరిగిన నాటో సమావేశాల్లో డోనాల్డ్ ట్రంప్ స్వయంగా చెప్పాడు.ఆ కుట్రను ఇజ్రాయెల్ నిఘావర్గాలు కనిపెట్టి ట్రంప్‌కు తెలియచేశాయట, మరి అమెరికా సిఐఏ ఏం చేస్తున్నట్లు ? జనం చేత ఇలాంటి పిట్టకతలను నమ్మించటం కూడా సులభమే, ఎందుకంటే తమ సుప్రీమ్ నేత, ఇతర ఉన్నత సైనికాధికారులను అకారణంగా చంపి, దాడులు చేస్తున్న తరువాత ఇరాన్ చూస్తూ ఊరుకుంటుందా ! బదులు తీర్చుకుంటామని నేతలు ప్రకటించిన నేపధ్యంలో అలాంటిదేదో జరిగి ఉంటుంది లెమ్మని సామాన్యులు అనుకోవటం సహజం. ఇరాన్ మీద అమెరికా దాడులు,దాని అధినేతలను లేపేస్తామని పదే పదే చెప్పటం, ఆంక్షలతో ఆర్థికంగా ఇబ్బుందులు పెట్టటం ఈ రోజు కొత్తగా ప్రారంభించినవి కాదు, 1979 నుంచి కొనసాగుతున్నాయి. అందువలన రిపబ్లికన్లు, డెమోక్రాట్లు ఎవరు అధికారంలో ఉన్నప్పటికీ దుర్మార్గాలకు పాల్పడుతున్నారు గనుక, జాగ్రత్తగా ఉండండి మీ ప్రాణాలు తీసేందుకు ఇరాన్ ఉగ్రదాడులకు పాల్పడే అవకాశం ఉందని అమెరికా నిఘావర్గాలు పదే పదే హెచ్చరిస్తూనే ఉన్నాయి. అయినా ఇంతవరకు ఇరాన్ అలాంటి ప్రయత్నాలు చేసిన దాఖలాలు లేవు.

రోజువారీ దాడులు, ప్రతిదాడులు ఎదుటి పక్షాన్ని ఏ విధంగా దెబ్బతీసిందీ ఆయా దేశాలు చేస్తున్న ప్రకటనల వార్తలు తెలిసిందే. ఇరాన్ అణు, మిలిటరీ సామర్ధ్యాన్ని పూర్తిగా నాశనం చేసినట్లు ట్రంప్ ఇప్పటి వరకు నలభై నుంచి యాభైసార్ల వరకు చెప్పి ఉంటాడు. అయినా అమెరికా స్థావరాల మీద ఇరాన్ దాడులు ఎలా చేయగలుకుతున్నదన్న అంశం అనేక మందికి అంతుబట్టటం లేదు. తాడిని తన్నేవాడుంటే వాడి తలదన్నేవాడు పుట్టుకు వస్తాడన్న లోకోక్తి తెలిసిందే. తెలివి తేటలు ఏ ఒక్కరి సొత్తూ కాదు.మానవుడి పరిణామ క్రమంలో అవసరాలే అనేక నూతన ఆవిష్కరణలకు దోహదం చేశాయి. ఇది ఇరాన్‌కూ వర్తిస్తుంది. వియత్నాంపై రెండున్నర దశాబ్దాల పాటు జపాన్, ఫ్రాన్సు, అమెరికా సామ్రాజ్యవాదులు భీకరదాడులు చేశారు. వారి మిలిటరీ, ఆయుధ సామర్థ్యాన్ని గెరిల్లా పోరాటపద్దతులను అనుసరించి కమÖ్యనిస్టులు ఎదిరించి నిలవటమే కాదు, 1975లో అమెరికన్లు దొరికిన విమానాలు, హెలికాప్టర్లను పట్టుకొని పారిపోయేట్లు చేశారు.ఆఫ్ఘనిస్తాన్‌లో తాలిబాన్ల చేతిలోనూ అమెరికాకు అదే పరాభవం ఎదురైంది. ఇప్పుడు ఇరాన్‌లో కూడా అమెరికాకు అదే జరుగుతోంది. అడవులు, కొండలు గుట్టల్లో గెరిల్లా పద్దతివేరు. సముద్రంలో కూడా ఇరాన్ ఆ విధానాన్ని అనుసరిస్తున్నది. ఆత్మరక్షణ`ప్రతిఘటన దాడి పద్దతులను అభివృద్ది చేసుకొన్నది.దీనికి ఇతర దేశాల అనుభవాలు నేర్పిన పాఠాలతో పాటు చైనా, రష్యా అందచేస్తున్న సహకారం కూడా తోడు కావటం, ఈ పరిణామాలను అమెరికా, ఇజ్రాయెల్ పసికట్టలేకపోవటం కనిపిస్తున్నది. గూఢచర్యంలో ఈ రెండు దేశాల తరువాతే మిగతావి అన్నట్లు అనేక మంది కీర్తించటం తెలిసిందే. అలాంటి తోపులనే ఇరాన్ తప్పుదారి పట్టించి తనను తాను కాపాడుకుంటున్నది, ప్రతిదాడులు చేయగలుకుతున్నది.తన డ్రోన్లు, క్షిపణులు ఎక్కడ ఉన్నదీ తెలియకుండా కాపాడుకోవటమే కాదు, ప్రయోగ కేంద్రాలను కూడా ఎప్పటికప్పుడు మారుస్తూ శత్రుల నిఘాను ఏమారుస్తున్నది.

ఇరాన్ నౌకా దళాన్ని రెండవ ప్రపంచ యుద్దానికి ముందు ఒకసారి నాశనం చేశారు, తరువాత మరోసారి విధ్వంసం కావించారు.తాజాగా మÖడవసారి అమెరికా మరికొంత నష్టం కలిగించింది. అయినా స్వల్ప ఖర్చుతో చిన్న పడవలతో హార్ముజ్ జలసంధిలో అమెరికాను ముప్పుతిప్పలు పెట్టటంలో ఇప్పటి వరకు ఇరాన్ జయప్రదమైంది. ఇరాక్‌తో ఎనిమిది సంవత్సరాలు జరిగిన యుద్ద సమయంలో చమురు టాంకర్లపై జరిగిన దాడులు ఒక పాఠాన్ని నేర్పాయి. శ్రీలంక మిలిటరీపై ఎల్‌టిటి తీవ్రవాదులు పడవలతో సాగించిన పోరు నుంచి నేర్చుకున్నారు. ఇప్పుడు రష్యా దాడులను ప్రతిఘటిస్తున్న ఉక్రెయిన్, పీపుల్స్ ఆర్మ్‌డ్ ఫోర్సెస్ మారిటైమ్ మిలీషియా పేరుతో ఒక దళాన్ని ,చైనా నిర్వహిస్తున్నది.ఈ దళ సభ్యులు దక్షిణ చైనా సముద్రంలో రోజువారీ చేపలు పట్టేవారిగా, శత్రుదేశాల ఓడల కదలికల మీద నిఘావేసేవారిగా, అవసరమైతే చిన్న చిన్నదాడులు చేసేందుకు చైనా మిలిటరీ సహకారంతో నడిపిస్తున్న చిన్న చిన్న పడవల అనుభవమÖ ఇరాన్‌కు పనికి వచ్చింది. ఈ దళంలోని పడవలు చైనా తనవిగా చెబుతున్న సముద్ర జలాల్లో ప్రవేశించి చేపలు పడుతూ చైనా సార్వభౌమత్వాన్ని పదే పదే ఇతర దేశాలకు గుర్తు చేస్తుంటాయి,విదేశీ నౌకలకు చికాకులు కలిగిస్తుంటాయి. చైనా నౌకాదళం, తీరరక్షణ దళంతో పాటు దీన్ని చైనా మÖడవ సముద్ర శక్తిగా ఇతర దేశాలు వర్ణిస్తాయి.
1979లో తమ తొత్తు షాను గద్దె దించి అధికారానికి వచ్చిన ఇస్లామిక్ శక్తులను దెబ్బతీసేందుకు 1980లో ఇరాక్‌ను రెచ్చగొట్టిన అమెరికన్లు ఇరాన్ మీద దాడులు చేయించారు. అవి 1988 వరకు కొనసాగాయి. ఇరాన్ చమురు ఎగుమతులను దెబ్బతీయటం ఆ పోరు లక్ష్యాలలో ఒకటి. దానిలో భాగంగా టాంకర్ల మీద దాడులు,ప్రతిదాడులు జరగటంతో టాంకర్ల పోరుగా దాన్ని పిలిచారు. నాలుగు వందల చమురు టాంకర్ల మీద దాడులు జరగ్గా కొందరు సాధారణ పౌరులతో సహా రెండు వందల మందికి పైగా నావికులు మరణించారు. అప్పుడు కూడా హార్ముజ్ జలసంధిని దిగ్భంధనం చేసేట్లు ఇరాన్ను రెచ్చగొట్టినా ఆ నాడున్న పరిస్థితిలో అది జరగలేదు.ఇలా ఎన్నింటినో అధ్యయనం చేసిన ఇరాన్ హార్ముజ్ జలసంధిలో ఇప్పుడు కొరకరాని కొయ్యగా తయారైంది. ఇరాన్ రివల్యూషనరీ గార్డులకు ఒక అధినాయకత్వం ఉన్నప్పటికీ ప్రాంతీయ విభాగాలుగా వ్యవస్థలను ఏర్పాటు చేసి శత్రువులను దెబ్బతీసేందుకు ఏ పద్దతి వీలైతే దాన్ని అమలు చేస్తే స్వేచ్చ ఇచ్చారు.శత్రువును దెబ్బతీయటమే అంతిమ లక్ష్యం. ప్రపంచ రవాణాలో పర్షియన్ గల్ఫ్ లేదా హార్ముజ్ జలసంధితో పాటు సూయజ్ కాలువ ద్వారా తూర్పు మధ్యధరా సముద్రంతో హిందూమహాసముద్రాన్ని కలిపే ఎర్ర సముద్రం కీలక పాత్ర పోషిస్తున్నది.హార్ముజ్ జలసంధిని దిగ్బంధనం కావించేందుకు గతంలో ఇరాక్ ఎంతగానో రెచ్చగొట్టింది.అలా జరిగితే పశ్చిమ దేశాలన్నింటినీ రంగంలోకి దించాలన్నది అసలైన ఎత్తుగడ. అప్పటికీ ఇప్పటికీ మారిన పరిస్థితులు, మిత్రదేశాలు అమెరికా కోసం చేతులు కాల్పుకొనేందుకు సిద్దంగా లేవని ఉక్రెయిన్ నేర్పిన అనుభవం, అదే హార్ముజ్ విషయంలో పునరావృతం అవుతుందని వేసిన అంచనా ఇలా ఎన్నో పరిణామాల పూర్వరంగంలో ఇరాన్ ముందుకు వచ్చి జలసంధిని దిగ్బంధనం కావించింది, అది టెహరాన్ ముందు చూపుకు నిదర్శనమైతే వాస్తవాలను గ్రహించలేక అహంకారానికి లోను కావటానికి అమెరికా తార్కాణంగా నిలిచింది. పశ్చిమాసియా సంక్షోభం ముగియటం అనివార్యం, అయితే ఎలా అన్నది ఊహించలేము !

	pscknr on పశ్చిమబెంగాల్లో మహమ్మద్ ఘోరీ వ…
	SIVARAMAKRISHNA Gunt… on రాముడి సొమ్ము స్వాహా దర్యాప్తు…
	Venugopalrao Nagumot… on అసంబద్ద వాదనలు, అడ్డగోలు మాటలు…
	Sk mahesh gupta on శనగ రైతుల సంక్షోభం
	pscknr on ఆడంతే నమ్మక ద్రోహి అన్న ఇరాన్‌…

vedika

~ your forum for critical and constructive writings

Tag Archives: Donald trump

ప్రజాకంటకుల మధ్య సమన్వయం ఉన్నపుడు వారిని వ్యతిరేకించేవారు అదే చేస్తే తప్పా !

చైనా- అమెరికా సంబంధాలు : షీ జింపింగ్ పర్యటన, పర్యవసానాలేమిటి !

కొత్త ఆయుధం ఉందన్న ఇరాన్ – హౌతీలతో అమెరికా రాజీ ?

బ్రిక్, బ్రిక్స్, బ్రిక్స్ ప్లస్.. అమెరికా ఆధిపత్యానికి ప్రతిఘటన!

‘మక్కా రక్షణ ఒప్పందం’ వెనుక మతలబేమిటి?

సోషలిజం దిశగా అమెరికన్ యువత, కార్మికవర్గం !

ట్రంప్ ఉత్సాహాన్ని నీరుగార్చిన అమెరికా మిలిటరీ !

అమెరికా ఎన్నికల్లో చైనా జోక్యమా ! ఐదు రోజుల్లోనే మాట మార్చిన ట్రంప్ ఆరోపణల వెనుక అసలు కథేమిటి !!

ఇరాన్‌పై కొనసాగుతున్న దాడులు – అణుబాంబు కంటే అమెరికాకు హార్ముజ్ ముఖ్యం !

Share this:

Share this:

Share this:

Share this:

Share this:

Share this:

Share this:

Share this:

Share this:

Share this: